പിസ്സ
പിസ്സ ബേസ്
ചേരുവകള്‍:
- മൈദാ - 400g (250 ml കപ്പിന് 3 കപ്പ് അമര്‍ത്തി അളക്കുക,അതില്‍ നിന്നും 2 ടേബിള്‍സ്പൂണ്‍ പൊടി മാറ്റുക)
- ഉപ്പ് - 1 ടീസ്പൂണ്‍
- പഞ്ചസാര - 1 ടേബിള്‍സ്പൂണ്‍ (15g)
- ഒലിവ് ഓയില്‍ - 20 ml (1tbs + 1 tsp)
- ഇന്‍സ്റ്റന്റ് യീസ്റ്റ് - 1 tsp (1g)
- പാല്‍ - 125 ml (1/2 കപ്പ്)
- ഇളം ചൂടുവെള്ളം - 160 ml (1/2 കപ്പ്+2 tbs +1tsp)
പിസ്സ സോസ്
ചേരുവകള്‍:
- നന്നായി പഴുത്ത തക്കാളി - അര കിലോ
- വെളുത്തുള്ളി - 6-7 അല്ലി (5g)
- സവാള - 1 ചെറുത്‌ (50g)
- കാശ്മീരി മുളക്പൊടി - 2 tsp
- കുരുമുളക് പൊടി - 1/2 tsp
- ഉപ്പ് - 1 tsp/ആവശ്യത്തിന്
- ഡ്രൈ ബേസില്‍ - 1tbs
- ഡ്രൈ ഒറിഗാനോ - 1 tsp
- പഞ്ചസാര - 1 tsp
- ഒലിവ് oil - 1/4 കപ്പ്
- തക്കാളി കഴുകി,അരിഞ്ഞു,അരച്ചെടുക്കുക
- ഒരു പാനില്‍ എണ്ണയൊഴിച്ചു ചൂടാക്കുക
- ചെറുതായി അരിഞ്ഞ വെളുത്തുള്ളി ചേര്‍ത്തു 4 സെക്കന്റ് ഇളക്കുക
- ഇനി സവാള ചേര്‍ത്തു നന്നായി വാടുന്ന വരെ വഴറ്റുക
- ഇതിലേക്ക് അരച്ച തക്കാളി ചേര്‍ത്തു 4 മിനിറ്റ് വഴറ്റുക
- ഇനി മുളക്പൊടി,കുരുമുളകുപൊടി,ബേസില്‍,ഒരിഗാനോ,ഉപ്പ് പഞ്ചസാര എന്നിവ ചേര്‍ക്കുക
- മൂടി വച്ച് കുറഞ്ഞ തീയില്‍ 20 മിനുട്ട് വേവിക്കുക;ആവശ്യമെങ്കില്‍ അല്പം വെള്ളം ചേര്‍ക്കാം;
- 20 മിനുട്ട്കഴിഞ്ഞാല്‍ രുചികരമായ പിസ്സ സോസ് തയാര്‍;ഇത് ചൂടാറിയ ശേഷം ഫ്രിഡ്ജില്‍ സൂക്ഷിക്കാം; ഒരാഴ്ച്ച വരെ കേടാവില്ല.
പിസ്സ ബേസ് തയ്യാറാക്കുന്ന വിധം
- മൈദയിലേക്ക് ഉപ്പു ചേര്‍ത്തു യോജിപ്പിക്കുക
- ഒരു ബൗളില്‍ പാല്‍,വെള്ളം,യീസ്റ്റ്,എണ്ണ, പഞ്ചസാര എന്നിവ ചേര്‍ക്കുക
- ഇതിലേക്ക് പൊടി 3 തവണയായി ചേര്‍ത്തു യോജിപ്പിക്കുക
- ഇത് 20 മിനിറ്റ് മൂടി വയ്ക്കുക
- ഇനി നന്നായി കുഴച്ചു മയപ്പെടുത്തി എടുക്കുക
- ഇത് പൊങ്ങി വരാനായി എണ്ണ തടവിയ പാത്രത്തിലാക്കി മൂടി വയ്ക്കുക
- മാവ് നന്നായി പൊങ്ങി വന്നാല്‍ (ഏകദേശം 2 മണിക്കൂര്‍) സാവധാനം അമര്‍ത്തി എയര്‍ പുറത്തു കളയുക
- എന്നിട്ട് രണ്ടായോ,മൂന്നായോ നാലായോ വിഭജിക്കുക (ഞാന്‍ 4 കഷണങ്ങളായി ആണ് മുറിക്കുന്നത്)
- ഇത് ഒന്ന് കൂടി ഉരുട്ടി ബോള്‍ രൂപത്തിലാക്കി വീണ്ടും വീര്‍ത്തു വരാനായി വക്കുക
- ഈ സമയം ഇത് നന്നായി മൂടി വച്ചിട്ട് ഫ്രിഡ്ജില്‍ വയ്ക്കാവുന്നതാണ്;ബേക്ക് ചെയ്യുന്നതിന് ഒരു മണിക്കൂര്‍ മുമ്പ് പുറത്തു വക്കണം.
- വീര്‍ത്തു വന്ന മാവ് (ഏകദേശം 45 മിനിറ്റ്കഴിഞ്ഞ്),എണ്ണ തടവിയ പ്രതലത്തിലേക്ക് മാറ്റി, കൈ കൊണ്ട് അമര്‍ത്തി ,10 ഇഞ്ച് വട്ടത്തിലാക്കുക;ഇത് പിസ്സപാനിലേക്ക് മാറ്റുക
- ഇതിനു മുകളില്‍ ഒലിവ് ഓയില്‍,പിസ്സ സോസ്,ചീസ് ഇഷ്ടമുള്ള ടോപ്പിങ്ങ്സ് എന്നിവ യഥാക്രമം ലെയെര്‍ ചെയ്യുക
- ഓവന്‍ ഏറ്റവും കൂടിയ ചൂടില്‍ 30 മിനിറ്റ് ചൂടാക്കുക;ഇതിലേക്ക് അസ്സെമ്പിള്‍ ചെയ്ത പിസ്സ വച്ച് ഏറ്റവും കൂടിയ ചൂടില്‍ 10 മിനിറ്റ് ബേക്ക് ചെയ്യുക
- പുറത്തെടുത്തു അല്പം ചൂടാറിയാല്‍ മുറിച്ചു കഴിക്കാം.
