ഈ ഒരു കറി ഉണ്ടെങ്കിൽ ഉച്ചയൂണ് കുശാൽ | Nadan Ozhichu Curry Kerala Style

കായ കറി 

 ചേരുവകൾ 

• പച്ചക്കായ - 4 
• ഇഞ്ചി - ഒരു വലിയ കഷ്ണം ( 15 g )
• ചുവന്നുള്ളി - 8 (40 g )
• പച്ചമുളക് - 2 
• തേങ്ങാ മുക്കാൽ  കപ്പ് (80 g )
• മുളകുപൊടി - അര ടേബിൾസ്പൂൺ 
• മല്ലിപ്പൊടി - ഒരു ടേബിൾസ്പൂൺ 
• മഞ്ഞൾപ്പൊടി - അര ടേബിൾസ്പൂൺ 
• കറിവേപ്പില 

 തയ്യാറാക്കുന്ന വിധം 

• കായ അരിഞ്ഞു ഉപ്പ്,മഞ്ഞൾപ്പൊടി ,മുളകുപൊടി ,മല്ലിപ്പൊടി ,ഇഞ്ചി ചുവന്നുള്ളി ,വേപ്പില,ആവശ്യത്തിന് വെള്ളം എന്നിവ ചേർത്ത് നന്നായി വേവിക്കുക 
• ഇതിലേക്ക് പച്ചമുളക് ,പുളി  പിഴിഞ്ഞതു ,തേങ്ങാ അരച്ചത് ആവശ്യത്തിന് വെള്ളം എന്നിവ ചേർത്ത് തിള വന്ന തുടങ്ങുമ്പോൾ വാങ്ങി വയ്ക്കുക 
• താളിച്ച് ചേർക്കാൻ പാനിൽ രണ്ടു വലിയ സ്പൂൺ വെളിച്ചെണ്ണ ചൂടാക്കുക . ഇതിലേക്ക് 4 -5 ചുവന്നുള്ളി അരിഞ്ഞതും കുറച്ചു കറിവേപ്പിലയും ചേർത്ത് മൂപ്പിക്കുക .ഇത് കറിയിലേക്കൊഴിച്ചു കുറച്ചു സമയം മൂടി വയ്ക്കുക 
• ഇനി ഇളക്കി ചൂടുചോറിനൊപ്പം വിളമ്പുക 

വായിലിട്ടാൽ അലിഞ്ഞു പോകുന്ന സ്പെഷ്യൽ ഇലയട | Ela Ada Recipe Kerala Style

ഇലയട 

 ചേരുവകൾ 

• വറുത്ത അരിപ്പൊടി - 1 / 2  കപ്പ് 
• തേങ്ങ ചിരകിയത് - ഒന്നര കപ്പ് 
• പഞ്ചസാര - 2 ടേബിൾസ്പൂൺ 
• ഏലക്കാപ്പൊടി - അര ടീസ്പൂൺ 
• ജീരകം - കാൽ  ടീസ്പൂൺ 
• ശർക്കര - കാൽ  കപ്പ് 
• ഉപ്പ് 

 ഉണ്ടാക്കുന്ന വിധം 

• അര  കപ്പു തേങ്ങാ അരച്ച് പിഴിഞ്ഞ്  അധികം കട്ടിയില്ലാത്ത ഒന്നര കപ്പ് തേങ്ങാപ്പാൽ തയ്യാറാക്കുക 
• ഇതിലേക്ക് പഞ്ചസാര ,കാൽ ടീസ്പൂൺ ഉപ്പ് ,അരിപ്പൊടി എന്നിവ ചേർത്ത് യോജിപ്പിക്കുക 
• ഇത് അടുപ്പിൽ വച്ചു കുറുക്കി വാങ്ങുക 
• ചൂടാറാനായി മൂടി വയ്ക്കുക 
• ഫില്ലിങ് ഉണ്ടാക്കാൻ ബാക്കിയുള്ള തേങ്ങാ ,ശർക്കര .ഏലക്കാപ്പൊടി ,ജീരകം എന്നിവ യോജിപ്പിക്കുക 
• മാവ് ചൂടാറുമ്പോൾ കുറേശ്ശെ വാഴയിലയിൽ പരത്തി ഉള്ളിൽ ആവശ്യത്തിന് ഫില്ലിങ് വച്ച് മടക്കുക 
• അപ്പച്ചെമ്പിൽ വച്ച് 10  - 12 മിനിറ്റു ആവിയിൽ വേവിച്ചെടുക്കുക 
• പുറത്തുടുത്തു തണുത്താൽ സ്വാദിഷ്ടമായ  സോഫ്റ്റ് ഇലയട തയ്യാർ 

പരിപ്പ് കറി ഇത് പോലെ ഉണ്ടാക്കി നോക്കൂ | Parippu Curry Recipe

ചേരുവകൾ 

• തുവരപ്പരിപ്പ് - മുക്കാൽ കപ്പ് (150 g )
• സവാള - 1 വലുത് ( 100 g )
• വെളുത്തുള്ളി - 1 കുടം (15 g )
• പച്ചമുളക് - 3 -4 
• തക്കാളി - 1 (70 g )
• വേപ്പില 
• മല്ലിയില 
• മുളകുപൊടി - 1 ടീസ്പൂൺ 
• മല്ലിപ്പൊടി - 1 ടീസ്പൂൺ 
• മഞ്ഞൾപ്പൊടി - 1 / 2 ടീസ്പൂൺ 
• ഗരംമസാല - 3 / 4  ടീസ്പൂൺ 
• വറ്റൽമുളക് - 2 
• ചുവന്നുള്ളി - 5 

 ഉണ്ടാക്കുന്ന വിധം 

• പരിപ്പ് ,ഒരു ചെറിയ കഷ്ണം സവാള ,പച്ചമുളക് ,ഉപ്പ് ,ഒന്നര കപ്പ് വെള്ളം എന്നിവ ചേർത്ത് വേവിക്കുക 
• ചീനച്ചട്ടിയിൽ എണ്ണ ഒഴിച്ച് ചൂടാകുമ്പോൾ സവാള അരി ഞ്ഞത് ചേർത്ത് വഴറ്റുക 
• വെളുത്തുള്ളി ,വേപ്പില എന്നിവ ചേർക്കുക 
• വഴന്നു വരുമ്പോൾ തക്കാളി ചേർത്ത് നല്ല സോഫ്റ്റ് ആകുന്ന വരെ വഴറ്റുക 
• ഇനി മസാലപ്പൊടികൾചേർത്തു മൂപ്പിക്കുക 
• വേവിച്ച പരിപ്പ് ചേർക്കുക 
• ആവശ്യത്തിന് വെള്ളം ,ഉപ്പ് എന്നിവ ചേർക്കുക 
• മല്ലിയില ചേർക്കുക 
• തീ ഓഫ് ചെയ്യുക 
• വേറൊരു പാനില് എണ്ണയൊഴി ച്ചു ചൂടാക്കി ചുവന്നുള്ളി ,വറ്റൽമുളക് വേപ്പില എന്നിവ ചെർത്തു  മൂപ്പിക്കുക അല്പം മുളകുപൊടി കൂടി ചേർത്ത ശേഷം കറി യിലൊഴിച്ചു 5 മിനിറ്റ് മൂടി വക്കുക 
• ഇനി ഇളക്കി ചൂടോടെവിളമ്പുക 
• ചപ്പാത്തിക്കും ചോറിനും നല്ല കോമ്പിനേഷൻ ആണ് .

ചിക്കൻ നൂഡിൽസ് രുചികരമായി എങ്ങനെ ഉണ്ടാക്കാം | Chicken Noodles Recipe in Malayalam

ചേരുവകൾ 

• ചിക്കൻ - 250 g 
• നൂഡിൽസ് - 150 g 
• മുട്ട - 2 
• ക്യാരറ്റ് - 1 ചെറുത് (50 g )
• കാപ്സികം - 1 ചെറുത്  (50 g )
• ക്യാബേജ് - ഒരു ചെറിയ കഷണം (50 g )
• സവാള - 1 മീഡിയം (50 g )
• സ്പ്രിങ് ഒനിയൻ 
• വെളുത്തുള്ളി അരിഞ്ഞത് - 2 ടേബിൾസ്പൂൺ 
• സോയാസോസ് - 1 ടേബിൾസ്പൂൺ 
• റെഡ് ചില്ലി സോസ് - ഒന്നര ടേബിൾസ്പൂൺ 
• വിനാഗിരി - 2 ടീസ്പൂൺ
• കോൺ ഫ്ലോർ - ഒന്നര ടേബിൾസ്പൂൺ  
• ഉപ്പ് 
• കുരുമുളകുപൊടി 
• പഞ്ചസാര - 1 / 2 ടീസ്പൂൺ 

 തയ്യാറാക്കുന്ന വിധം 

• വെജിറ്റബിൾസ് നീളത്തിൽ കനം കുറച്ചു അരിഞ്ഞെടുക്കുക 
• സോയാസോസ് ,റെഡ് ചില്ലി സോസ് ,ഒരു ടീസ്പൂൺ വിനാഗിരി എന്നിവ യോജിപ്പിച്ചു വക്കുക 
• നൂഡിൽസ് പാക്കറ്റിൽ പറഞ്ഞതനുസരിച്ചു വേവിക്കുക 
• ചിക്കനിൽ ഉപ്പ് ,ഒരു ടീസ്പൂൺ വിനാഗിരി ,അര ടീസ്പൂൺ കുരുമുളകുപൊടി ,ഒരു ചെറിയ മുട്ടയുടെ പകുതി ,കോൺ ഫ്ലോർ  എന്നിവ ചേർത്ത് പുരട്ടി വക്കുക 
• ഒരു പാനിൽ അല്പം എന്ന ചൂടാക്കി മുട്ട ഒഴിച്ച് ചിക്കിയെടുക്കുക;ആവശ്യത്തിന് ഉപ്പ് ,കുരുമുളകുപൊടി എന്നിവ ചേർക്കുക;മുട്ട കൂടുതൽ വെന്തു പോകരുത് .
• മുട്ട വേറൊരു പാത്രത്തിലേക്ക് മാറ്റുക 
• ഇനി കുറച്ചു കൂടി എണ്ണയൊഴിച്ചു ചിക്കൻ  വറുത്തെടുക്കുക 
• ഇനി ഒരു വോക് അല്ലെങ്കിൽ ചീനച്ചട്ടി ചൂടാക്കുക 
• രണ്ടു ടേബിൾസ്പൂൺ എണ്ണയൊഴിച്ചു ചൂടാകുമ്പോൾ സവാള ചേർത്ത് ഒരു മിനിറ്റു വഴറ്റുക 
• ഇനി കാരറ്റ് ,സ്പ്രിങ് ഒനിയൻ വെള്ള ,വെളുത്തുള്ളി എന്നിവ ചേർത്ത് ഒരു മിനിറ്റു വഴറ്റുക 
• ഇനി കാപ്സികം ചേർത്ത് 30 സെക്കൻഡ് വഴറ്റുക 
• ഇനി ക്യാബേജ് ചേർക്കുക ;
• ഒരു മിനിട്ടു വഴറ്റുക 
• ഇനി ഉപ്പ് ,കുരുമുളകുപൊടി ,പഞ്ചസാര എന്നിവ ചേർക്കുക 
• വേവിച്ച നൂഡിൽസ് ,സോസ് മിക്സ് ,എന്നിവ ചേർത്ത് നൂഡിൽസ് പൊട്ടിപ്പോകാതെ ഇളക്കി യോജിപ്പിക്കുക 
• വറുത്ത  ചിക്കൻ ,മുട്ട എന്നിവ ചേർത്ത് ഒന്ന് രണ്ടു മിനിറ്റു ഇളക്കുക 
• മുകളിൽ സ്പ്രിങ് ഒനിയൻ വിതറുക 
• ചൂടോടെ വിളമ്പുക 

Notes 

• നൂഡിൽസ് വേവിക്കുമ്പോൾ കൂടുതലായി വെന്തു പോകരുത് 
• വെജിറ്റബിൾസ് കൂടിയ ചൂടിൽ വഴറ്റണം 
• ഉപ്പ് ,കുരുമുളകുപൊടി എന്നിവ രുചിക്കനുസരിച്ചു ചേർക്കുക 
• ഇതിലേയ്ക്ക് ഞാൻ നല്ലെണ്ണയാണ് ഉപയോഗിച്ചത് 
• ഇത് മൂന്നു പേർക്ക് കഴിക്കാൻ പറ്റുന്ന അളവാണ്