പാസ്ത ഈ രുചിയിൽ ഉണ്ടാക്കിയിട്ടുണ്ടോ | Pink Sauce Pasta Recipe

ചേരുവകൾ 

• പാസ്ത 2 കപ്പ് (200g )
• തക്കാളി 3 (230g )
• വെളുത്തുള്ളി 10 അല്ലി (10g )
• സവാള 1 (100g )
• ടൊമാറ്റോ കെച്ചപ്പ് 2 ടേബിൾസ്പൂൺ 
• ക്രീം 1 / 2 കപ്പ് (120g )
• കാപ്സികം 1 (50g )
• മുളകുപൊടി 1 ടീസ്പൂൺ 
• ഒറിഗാനോ 1 ടീസ്പൂൺ 
• ചില്ലി ഫ്ലെക്സ് 1 ടീസ്പൂൺ 
• കുരുമുളകുപൊടി 1 / 2 ടീസ്പൂൺ 
• പഞ്ചസാര 1 ടീസ്പൂൺ 
• ഉപ്പ് 
• ബട്ടർ 2 ടേബിൾസ്പൂൺ (30g )
• എണ്ണ 2 ടേബിൾസ്പൂൺ 

തയ്യാറാക്കുന്ന വിധം 

• ഒരു പാത്രത്തിൽ 3 ലിറ്റർ വെള്ളം തിളപ്പിച്ച് ആവശ്യത്തിന് ഉപ്പ് ചേർത്ത് പാസ്ത വേവിക്കുക 
• പാകത്തിന് വേകുമ്പോൾ ഊറ്റി വയ്ക്കുക 
• തക്കാളി അരച്ച് വയ്ക്കുക 
• പാനിൽ എണ്ണ , ബട്ടർ എന്നിവ ചൂടാക്കി വെളുത്തുള്ളി ചേർത്ത് ഏതാനും സെക്കൻഡ് വഴറ്റുക 
• ഇനി ഒറിഗാനോ , ചില്ലി ഫ്ലെക്സ് , മുളകുപൊടി എന്നിവ ചേർത്ത് മൂപ്പിക്കുക 
• സവാള ചേർത്ത് നന്നായി വഴറ്റുക 
• തക്കാളി അരച്ചത് ചേർക്കുക 
• ഉപ്പ് , പഞ്ചസാര , കുരുമുളകുപൊടി എന്നിവ ചേർക്കുക 
• മൂടി വച്ച് ചെറിയ ചൂടിൽ പത്തു മിനിറ്റോളം വേവിക്കുക 
• തക്കാളി വെന്ത് എണ്ണ തെളിഞ്ഞാൽ കാപ്സികം ചേർത്ത് വേവിക്കുക 
• ഇനി കെച്ചപ്പ് , ക്രീം എന്നിവ ചേർത്തിളക്കുക 
• വേവിച്ച പാസ്ത ചേർത്തിളക്കുക 
• പാസ്ത വെന്ത വെള്ളം ഒരു കപ്പ് ചേർക്കുക 
• ചൂടോടെ വിളമ്പുക 
• മുകളിൽ ചീസ് വിതറാം .

ഈ ഒരു തക്കാളി കറി മാത്രം മതി ഊണ് കുശാൽ | Thakkali Moru Curry Kerala Style

ചേരുവകൾ 

• തക്കാളി 2 (130g )
• പച്ചമുളക് 2 
• കറിവേപ്പില 
• ജീരകം അര ടീസ്പൂൺ 
• വെളുത്തുള്ളി ഒരല്ലി 
• കാന്താരിമുളക് 6 -7 (എരിവ് അനുസരിച്ചു 
• തേങ്ങാ മുക്കാൽ കപ്പ് (90g )
• മഞ്ഞൾപ്പൊടി അര ടീസ്പൂൺ 
• തൈര് മുക്കാൽ കപ്പ് (150g )
• താളിക്കാൻ :- കടുക് ,ഉലുവ 1 / 4 ടീസ്പൂൺ , ചുവന്നുള്ളി 5 , ഉണക്കമുളക് 2 , വേപ്പില ഒരു തണ്ട് 

 ഉണ്ടാക്കുന്ന വിധം 

• തക്കാളി ,ഉപ്പ് , പച്ചമുളക് , ഒന്നര കപ്പു വെള്ളം എന്നിവ ഒരുമിച്ചാക്കി  വേവിക്കുക 
• ജീരകം , വെളുത്തുള്ളി , കാന്താരി ,തേങ്ങാ , മഞ്ഞൾപ്പൊടി ,തൈര് എന്നിവ ഒരുമിച്ച് നന്നായി അരച്ചെടുക്കുക 
• വെന്ത തക്കാളിയിലേക്ക് അരച്ച കൂട്ട് ചേർത്തിളക്കുക 
• ആവശ്യമെങ്കിൽ കുറച്ചുകൂടി വെള്ളം ചേർക്കുക 
• ഒന്ന് ചൂടായാൽ ഓഫ് ചെയ്യുക 
• പാനിൽ അല്പം എണ്ണ ഒഴിച്ച് കടുക് പൊട്ടിക്കുക ,ഉലുവ മൂപ്പിക്കുക , ഉള്ളി ,വേപ്പില , ഉണക്കമുളക് എന്നിവ ചേർത്ത് മൂത്തു വരുമ്പോൾ കറിയിലേക്കു ചേർക്കുക 
• കുറച്ചു സമയം മൂടി വയ്ക്കുക 
• അതിനു ശേഷം ചോറിനൊപ്പം വിളമ്പാവുന്നതാണ് .

സോയ ചങ്ക്സ് കൊണ്ട് ഇങ്ങനെ ഉണ്ടാക്കി നോക്കൂ | Soya Chunks Curry Recipe

ചേരുവകൾ 

•  സോയ ചങ്ക്‌സ് 1 കപ്പ് (75g )
• സവാള 1 (100g )
• ഇഞ്ചി വെളുത്തുള്ളി പേസ്റ്റ് 1 ടേബിൾസ്പൂൺ (20g )
• പച്ചമുളക് 2 (12g )
• വേപ്പില 
• തക്കാളി 1 (80g )
• കാശ്മീരി മുളകുപൊടി 1 ടീസ്പൂൺ 
• കുരുമുളകുപൊടി 1 .5 ടീസ്പൂൺ 
• മല്ലിപ്പൊടി 1 ടേബിൾസ്പൂൺ 
• പെരുംജീരകം പൊടി 1 ടീസ്പൂൺ 
• മഞ്ഞൾപ്പൊടി 1 / 2 ടീസ്പൂൺ 
• ഏലക്ക 4 , ഗ്രാമ്പൂ 3 , കറുവപ്പട്ട 1 ചെറിയ കഷണം 
• തേങ്ങാപ്പാൽ 1 / 2 കപ്പ് 
• മല്ലിയില 

 ഉണ്ടാക്കുന്ന വിധം 

• സോയ ഉപ്പു ചേർത്ത തിളച്ച വെള്ളത്തിലിട്ടു 3 -4 മിനിറ്റ് വേവിച്ച ശേഷം ഊറ്റി പിഴിഞ്ഞെടുക്കുക 
• പാനിൽ വെളിച്ചെണ്ണ ചൂടാക്കി പട്ട ,ഗ്രാമ്പൂ , ഏലക്ക എന്നിവ ചേർത്ത് മൂപ്പിക്കുക 
• സവാള ചേർത്ത് നിറം മാറുന്ന വരെ നന്നായി വഴറ്റുക 
• ഇഞ്ചി വെളുത്തുള്ളി പേസ്റ്റ് , പച്ചമുളക് , വേപ്പില എന്നിവ ചേർത്ത് പച്ചമണം മാറുന്ന വരെ വഴറ്റുക 
• ഇനി തീ കുറച് വച്ച് മസാലപ്പൊടികൾ ചേർത്ത് മൂപ്പിക്കുക 
• ഇനി തക്കാളി ചേർത്ത് വേവിക്കുക 
• തിളച്ച വെള്ളം ഒരു കപ്പ് ചേർത്ത ശേഷം വേവിച്ച സോയ ചേർത്ത് കുറച്ചു സമയം മൂടി വച്ച് വേവിക്കുക 
• ഇനി അല്പം മല്ലിയില , തേങ്ങാപ്പാൽ എന്നിവ ചേർത്തിളക്കി 2 മിനിട്ടു കൂടി വേവിക്കുക 
• തീ ഓഫ് ചെയ്തു ചൂടോടെ വിളമ്പുക 

 

ഓവൻ ഇല്ലാതെ തന്തൂരി ചിക്കൻ പിസ്സ | Tandoori Chicken Pizza Recipe

ചേരുവകൾ 

 പിസ്സ സോസ് 

• തക്കാളി  5 (450g )
• വെളുത്തുള്ളി 10 അല്ലി (10g )
• കാശ്മീരി ചില്ലി പൗഡർ 1 ടീസ്‌പൂൺ 
• പഞ്ചസാര 1 ടീസ്പൂൺ 
• ഉപ്പ് 
• ഒറിഗാനോ 1 ടീസ്പൂൺ 
• ബേസിൽ ഒന്നര ടേബിൾസ്പൂൺ 
• എണ്ണ 4 ടേബിൾസ്പൂൺ 

 പിസ്സ ബേസ് 

• മൈദാ ഒന്നര കപ്പ് (210g )
• ഉപ്പ് അര ടീസ്പൂൺ 
• പഞ്ചസാര 1 ടീസ്പൂൺ 
• ബേക്കിംഗ് പൗഡർ 1 / 2 ടീസ്പൂൺ 
• ബേക്കിംഗ് സോഡാ 1 / 4 ടീസ്പൂൺ 
• എണ്ണ അര ടേബിൾസ്പൂൺ 
• വെള്ളം 100 മില്ലി 
• തൈര് 2 ടേബിൾസ്പൂൺ 

പുരട്ടി വയ്ക്കാൻ 

• ചിക്കൻ 300g 
• മുളകുപൊടി 1 ടീസ്പൂൺ 
• ഗരം മസാല 1 / 2 ടീസ്പൂൺ 
• മല്ലിപ്പൊടി 1 / 2 ടീസ്പൂൺ 
• ചാട്ട് മസാല 1 / 2 ടീസ്പൂൺ 
• ഇഞ്ചി വെളുത്തുള്ളി പേസ്റ്റ് 1 ടീസ്പൂൺ 
• ഉപ്പ് 
• നാരങ്ങാനീര് 2 ടീസ്പൂൺ 
• കസൂരി മേത്തി 1 ടീസ്പൂൺ 

  മറ്റു ചേരുവകൾ 

• കാപ്സികം 
• സവാള 
• ചില്ലി ഫ്ലേക്സ് 
• ചീസ് 

 ഉണ്ടാക്കുന്ന വിധം 

 പിസ്സ സോസ് 

• തക്കാളി അരച്ചെടുക്കുക 
• പാനിൽ എണ്ണ ചൂടാക്കി വെളുത്തുള്ളി വഴറ്റുക 
• ഇനി തക്കാളി അരച്ചത് ചേർത്തിളക്കുക 
• 2 മിനിട്ടു കഴിയുമ്പോൾ മുളകുപൊടി ,ഉപ്പ് , പഞ്ചസാര , ബേസിൽ , ഒറിഗാനോ എന്നിവ ചേർക്കുക 
• മൂടി വച്ച് , ഇടയ്ക്കു ഇളക്കി, കുറഞ്ഞ ചൂടിൽ  20 -25 മിനിറ്റ് വേവിക്കുക ; പിസ്സ സോസ് തയ്യാർ!
• ഇതു ഒരാഴ്ച വരെ ഫ്രിഡ്ജിൽ സൂക്ഷിക്കാം .

 ചിക്കൻ തയ്യാറാക്കാൻ 

• ചിക്കൻ എല്ലാ ചേരുവകളും ചേർത്ത് അര മണിക്കൂർ പുരട്ടി വയ്ക്കുക 
• പാനിൽ എണ്ണ ചൂടാക്കി ചിക്കൻ ചേർത്ത് 3 മിനിറ്റ് കൂടിയ ചൂടിൽ ഇളക്കുക 
• പിന്നീട് തീ കുറച്ചു മൂടി വച്ച് 5 മിനിട്ടു കൂടി വേവിക്കുക 
• ഇത് മാറ്റി വയ്ക്കുക 

ബേസ് തയ്യാറാക്കാൻ 

• മൈദയിൽ എല്ലാ ചേരുവകളും ചേർത്ത് കുഴച്ചു അര മണിക്കൂർ മാറ്റി വയ്ക്കുക 
• 4 കഷണങ്ങളാക്കി  ബോൾസ് ആക്കി വയ്ക്കുക 
• അല്പം പൊടി തൂകിയ പ്രതലത്തിൽ വച്ച് പരത്തി എടുക്കുക 
• ഫോർക്ക് ഉപയോഗിച്ച് കുറച്ചു കുത്തുകൾ ഇട്ട ശേഷം എണ്ണ പുരട്ടിയ പാനിൽ വേവിക്കുക 
• ഒരു വശം 2 മിനിട്ടു വേവിച്ച ശേഷം മറിച്ചിടുക 
• ഇനി തീ ഓഫ് ചെയ്യുക 
• പിസ്സ സോസ് , ചീസ് , ചിക്കൻ , കാപ്സികം , സവാള എന്നിവ ആവശ്യത്തിന് നിരത്തുക 
• തീ ഓൺ ചെയ്യുക 
• കുറഞ്ഞ ചൂടിൽ 5 -6 മിനിറ്റ് മൂടി വച്ച് വേവിക്കുക 
• പുറത്തെടുത്തു അല്പം ഒറിഗാനോ, ചില്ലിഫ്ലെക്സ്‌ എന്നിവ വിതറുക 
• മുറിച്ചു ചെറുചൂടോടെ വിളമ്പുക 

 

ഇത് ഉണ്ടാക്കാൻ ഇത്ര എളുപ്പം ആയിരുന്നോ? Kara Boondi Mixture Recipe

ചേരുവകൾ 

• കടലമാവ് 2 കപ്പ് (250 g )
• അരിപ്പൊടി  4 ടേബിൾസ്പൂൺ (60g )
• മുളകുപൊടി 2 ടീസ്പൂൺ 
• കായം 
• ഉപ്പ് 
• കപ്പലണ്ടി 
• അണ്ടിപ്പരിപ്പ് 
• വേപ്പില 
• ബേക്കിങ് പൗഡർ അര ടീസ്പൂൺ 

 ഉണ്ടാക്കുന്ന വിധം 

• കടലമാവ് , ഉപ്പ് , കായം , മുളകുപൊടി , അരിപ്പൊടി  എന്നിവ യോജിപ്പിക്കുക 
• കുറേശ്ശെ വെള്ളം ചേർത്ത് മാവാക്കുക 
• തുളകൾ ഉള്ള സ്പൂണിലൂടെ ചൂടുള്ള എണ്ണയിലേക്ക് വീഴിക്കുക 
• ക്രിസ്പി ആകുമ്പോൾ കോരി മാറ്റുക 
• കപ്പലണ്ടി , അണ്ടിപ്പരിപ്പ് , വേപ്പില എന്നിവ വറുത്തു കോരുക 
• എല്ലാം ഒരുമിച്ചാക്കി യോജിപ്പിക്കുക 
• ആവശ്യത്തിന് ഉപ്പ്, മുളകുപൊടി, കായം എന്നിവയും ചേർക്കുക