ആര്‍ക്കും ഈസിയായി വീട്ടില്‍ത്തന്നെ ഉണ്ടാക്കാം ഈ ഫ്ലാറ്റ് ബ്രഡ് | Bazlama Turkish Bread Recipe

ബാസ്ലാമ 

 ചേരുവകള്‍

• മൈദാ - 500 g
• ഇന്‍സ്റ്റന്റ് യീസ്റ്റ് - 1 ടീസ്പൂണ്‍
• പഞ്ചസാര - 1 ടേബിള്‍സ്പൂണ്‍ ( 15 g )
• ഒലിവ് ഓയില്‍ - 1 ടേബിള്‍സ്പൂണ്‍
• പാല്‍ - 150 ml ( 1/2 കപ്പ്‌ + 2 ടേബിള്‍സ്പൂണ്‍ )
• വെള്ളം - 150 ml ( 1/2 കപ്പ്‌ + 2 ടേബിള്‍സ്പൂണ്‍ )
• ഉപ്പ് - 1 ടീസ്പൂണ്‍ ( 8 g )
• ബട്ടര്‍,മല്ലിയില, ചില്ലി ഫ്ലേക്സ് - ആവശ്യത്തിന് ( പുറമേ പുരട്ടാന്‍ )

 ഉണ്ടാക്കുന്ന വിധം

• മൈദാ,യീസ്റ്റ്,പഞ്ചസാര, പാല്‍, വെള്ളം, ഉപ്പ് എന്നിവ ഒരുമിച്ചാക്കി ഒന്നര മിനിറ്റ് കുഴക്കുക
• എണ്ണ ചേര്‍ത്ത് യോജിപ്പിക്കുക
• ഒരു പാത്രത്തിലാക്കി മൂടി പൊങ്ങി വരാനായി വയ്ക്കുക
• ഇരട്ടി വലിപ്പത്തിലാകുമ്പോള്‍ 6 കഷണങ്ങളായി മുറിച്ച്, ബോള്‍ രൂപത്തിലാക്കുക
• ഇനി ഓരോന്നും ഒരേ കനത്തില്‍, അല്പം കട്ടിയില്‍ പരത്തുക
• ചൂടായ തവയില്‍ ചുട്ടെടുക്കുക
• ഇതിനു മുകളില്‍ അല്പം ബട്ടര്‍ പുരട്ടി, മല്ലിയില, ചില്ലി ഫ്ലേക്സ് എന്നിവ വിതറി ചൂടോടെ കഴിക്കുക.

വെള്ള നാരങ്ങ അച്ചാര്‍ | Vella Naranga Achar Kerala Style

വെള്ള നാരങ്ങ അച്ചാര്‍

 ചേരുവകള്‍ :

• പഴുത്ത ചെറുനാരങ്ങ - 12 എണ്ണം
• കാന്താരിമുളക് - ആവശ്യത്തിന്
• വെളുത്തുള്ളി - അര കപ്പ്‌
• ഇഞ്ചി - ഒരു ചെറിയ കഷണം
• കായം - 1 ടീസ്പൂണ്‍
• ഉലുവപ്പൊടി - 1/4 ടീസ്പൂണ്‍
• വിനാഗിരി - 2 ടേബിള്‍സ്പൂണ്‍
• പഞ്ചസാര - 1 ടീസ്പൂണ്‍
• ഉപ്പ്
• നല്ലെണ്ണ - അര കപ്പ്‌

 ഉണ്ടാക്കുന്ന വിധം

• ചെറുനാരങ്ങ ചെറിയ കഷണങ്ങളായി മുറിച്ചു 3 ടേബിള്‍സ്പൂണ്‍ ഉപ്പു ചേര്‍ത്ത് യോജിപ്പിച്ച് 2 ദിവസം വക്കുക
• ഒരു പാനില്‍ എണ്ണയൊഴിച്ച് ചൂടാക്കി കടുക് പൊട്ടിക്കുക
• ഇഞ്ചി, വെളുത്തുള്ളി എന്നിവ ചേര്‍ത്ത് വാടി വരുമ്പോള്‍ തീ കുറച്ചു വച്ച് വിനാഗിരി ചേര്‍ക്കുക
• കാന്താരി മുളക്,പഞ്ചസാര, കായം, ഉലുവപ്പൊടി എന്നിവ ചേര്‍ത്ത് തീ ഓഫ് ചെയ്യുക
• ഈ കൂട്ട് തണുക്കുമ്പോള്‍ ഉപ്പിലിട്ട നാരങ്ങ ചേര്‍ക്കുക
• ആവശ്യത്തിനു ഉപ്പ് ചേര്‍ക്കുക
• കുപ്പിയിലാക്കി ഫ്രിഡ്ജില്‍ സൂക്ഷിക്കുക

ഓണം സ്പെഷ്യല്‍ ഇഞ്ചം പുളി | പുളി ഇഞ്ചി | Inchampuli Recipe | Puli Inji Kerala Style

ഇഞ്ചംപുളി ( തൃശൂര്‍ സ്റ്റൈല്‍ )

 ചേരുവകള്‍

• ഇഞ്ചി - 30ഗ്രാം
• കാന്താരി മുളക് - 10 ഗ്രാം ( പച്ചമുളക് ആണെങ്കില്‍ കുറച്ചുകൂടി എടുക്കുക )
• വാളന്‍പുളി - 75 ഗ്രാം
• ശര്‍ക്കര - 150 ഗ്രാം
• മഞ്ഞള്‍പ്പൊടി - 1/4 ടീസ്പൂണ്‍
• മുളകുപൊടി  (കാശ്മീരി ) - 1/2 ടീസ്പൂണ്‍
• ഉപ്പ്
• ഉലുവപ്പൊടി - 2 നുള്ള്
• കറിവേപ്പില
• ഉണക്കമുളക് - 2
• കടുക് - 1/2 ടീസ്പൂണ്‍
• വെളിച്ചെണ്ണ - 1 ടേബിള്‍സ്പൂണ്‍

 ഉണ്ടാക്കുന്ന വിധം

• പുളി 2 കപ്പ്‌ വെള്ളത്തില്‍ കുതിര്‍ത്ത് പിഴിഞ്ഞെടുക്കുക
• ഇഞ്ചി, മുളക് ഇവ പൊടിയായി അരിഞ്ഞെടുക്കുക
• ശര്‍ക്കര അല്‍പ്പം വെള്ളം ചേര്‍ത്ത് ഉരുക്കി അരിച്ചെടുക്കുക
• ഒരു പാനില്‍ വെളിച്ചെണ്ണ ഒഴിച്ച് ചൂടാക്കി കടുക് പൊട്ടിക്കുക
• ഉണക്കമുളക്,ഇഞ്ചി,പച്ചമുളക്, വേപ്പില എന്നിവ ചേര്‍ക്കുക
• ഇഞ്ചിയുടെ നിറം മാറി വരുന്ന വരെ മൂപ്പിക്കുക
• ഇതിലേക്ക് മഞ്ഞള്‍പ്പൊടി,മുളകുപൊടി ഇവ ചേര്‍ക്കുക
• ഇനി പുളി പിഴിഞ്ഞ വെള്ളം , ഉരുക്കിയ ശര്‍ക്കര, ഉപ്പ് എന്നിവ ചേര്‍ക്കുക
• ഇത് വറ്റി കുറുകി വരുന്ന വരെ തിളപ്പിക്കുക
• അവസാനം ഉലുവപ്പൊടി ചേര്‍ക്കുക
• രുചികരമായ ഇഞ്ചംപുളി തയ്യാര്‍

ഗോതമ്പു പായസം | Gothambu Payasam Recipe

ഗോതമ്പുപായസം

 ചേരുവകള്‍:

• ഗോതമ്പ് - 1 കപ്പ്‌ ( 230 g )
• ശര്‍ക്കര - 1 1/4 കപ്പ്‌ ( 260 g )
• തേങ്ങയുടെ ഒന്നാംപാല്‍ - 1 കപ്പ്‌
• തേങ്ങയുടെ രണ്ടാംപാല്‍ - 3 കപ്പ്‌
• ബട്ടര്‍ - 2 ടേബിള്‍സ്പൂണ്‍
• ഉപ്പ് - 1 നുള്ള്
• കണ്ടെന്‍സ്ട് മില്‍ക്ക് - 1/2 കപ്പ്‌
• വാനില എസ്സെന്‍സ് - 1 ടീസ്പൂണ്‍
• പഞ്ചസാര - 4 ടേബിള്‍സ്പൂണ്‍
• അണ്ടിപ്പരിപ്പ് - 2 ടേബിള്‍സ്പൂണ്‍

 ഉണ്ടാക്കുന്ന വിധം

• ഗോതമ്പ് കഴുകി 8 മണിക്കൂര്‍ കുതിര്‍ത്ത് എടുക്കുക
• ഇത് ഒന്ന്‍ ചതച്ചെടുക്കുക
• ഇനി പ്രഷര്‍കുക്കറില്‍ വേവിക്കുക
• ശര്‍ക്കര ഉരുക്കി അരിച്ചെടുക്കുക
• ഒരു കട്ടിയുള്ള പാത്രത്തില്‍ ബട്ടര്‍ ചേര്‍ത്ത് ബ്രൌണ്‍ നിറമാകുന്ന വരെ ഉരുക്കുക
• ഇതിലേക്ക് ഉരുക്കിയ ശര്‍ക്കര ചേര്‍ക്കുക
• ഇനി വേവിച്ച ഗോതമ്പ് ചേര്‍ത്ത് 8 - 10 മിനിറ്റ് ഇളക്കുക
• ഇനി രണ്ടാംപാല്‍ ചേര്‍ത്ത് തിളപ്പിക്കുക
• ഇനി ഒന്നാംപാല്‍ ചേര്‍ത്ത് ഒന്ന് തിള വന്നാല്‍ തീ ഓഫ് ചെയ്യുക
• ഉപ്പ്,കണ്ടെന്‍സ്ട് മില്‍ക്ക്, വാനില എന്നിവ ചേര്‍ക്കുക
• പഞ്ചസാര കാരമല്‍ ആക്കി അണ്ടിപ്പരിപ്പ് ചേര്‍ക്കുക
• ഇതൊരു ബട്ടര്‍ പേപ്പറില്‍ ഒഴിച്ച് തണുക്കാന്‍ വക്കുക
• തണുക്കുമ്പോള്‍ പൊടിച്ച് വിളമ്പുന്നതിന് തൊട്ടു മുമ്പായി പായസത്തില്‍ ചേര്‍ക്കുക

പഞ്ഞി പോലെ സോഫ്റ്റായ സ്വിസ് റോള്‍ ( ജാം റോള്‍ ) ഈസിയായി വീട്ടിലുണ്ടാക്കാം | Swiss Roll Recipe

സ്വിസ്സ്റോള്‍ ( ജാം റോള്‍ )

 ചേരുവകള്‍ :

• മൈദാ - 3 ടേബിള്‍സ്പൂണ്‍ ( 30 g )
• കോണ്‍ ഫ്ലോര്‍ -  3 ടേബിള്‍സ്പൂണ്‍ ( 30 g )
• പഞ്ചസാര - 5 1/2 ടേബിള്‍സ്പൂണ്‍ ( 80 g )
• മുട്ട - 4
• വാനില എസ്സെന്‍സ് - 1/2 ടീസ്പൂണ്‍
• എണ്ണ - 2 ടേബിള്‍സ്പൂണ്‍ ( 30 ml )
• പാല്‍ -  2 ടേബിള്‍സ്പൂണ്‍ ( 30 ml )
• ഉപ്പ് - ഒരു നുള്ള്
• നാരങ്ങാനീര് - 1 ടീസ്പൂണ്‍

ഉണ്ടാക്കുന്ന വിധം

• മൈദയും കോണ്‍ഫ്ലോറും യോജിപ്പിച്ച് വയ്ക്കുക
• മുട്ടയുടെ മഞ്ഞയും വെള്ളയും വേര്‍തിരിക്കുക
• പഞ്ചസാര പൊടിച്ചു വയ്ക്കുക
• മുട്ടവെള്ളയിലേക്ക് ഉപ്പ് , നാരങ്ങ നീര് എന്നിവ ചേര്‍ത്ത് ബീറ്റ് ചെയ്യുക
• പൊടിച്ച  പഞ്ചസാരയില്‍ പകുതി ഇതിലേക്ക് ചേര്‍ത്ത് stiff peak ആകുന്നവരെ ബീറ്റ് ചെയ്യുക
• ഇനി മുട്ടമഞ്ഞയിലേക്ക് വാനില, ബാക്കിയുള്ള പഞ്ചസാര,പാല്‍, എണ്ണ എന്നിവ ചേര്‍ത്ത് നന്നായി യോജിപ്പിക്കുക
• ഇതിലേക്ക് പൊടി ചേര്‍ക്കുക
• പതപ്പിച്ച മുട്ടവെള്ള 3 തവണയായി ചേര്‍ത്ത് യോജിപ്പിക്കുക
• തയ്യാറായ ബാറ്റര്‍ ട്രെയിലേക്ക് ഒഴിച്ച് ലെവല്‍ ചെയ്യുക
• കുറച്ചു തവണ തട്ടി എയര്‍ കളഞ്ഞിട്ടു ബേക്ക് ചെയ്യുക
• 180 ഡിഗ്രീ സെല്‍ഷ്യസ് ചൂടില്‍ 32 - 35 മിനിറ്റ് ബേക്ക് ചെയ്യുക
• പുറത്തെടുത്തു തണുക്കുമ്പോള്‍ ജാം തേച്ച് ചുരുട്ടി 15-30 മിനിറ്റ് വയ്ക്കുക
• ഇനി മുറിച്ചു കഴിക്കാം
• ട്രേ സൈസ് - 14x11ഇഞ്ച്‌; അല്പം കൂടി ചെറുതും ഉപയോഗിക്കാം.