മീൻ കറി
- മീൻ - 1 kg*
- കുടംപുളി - 15 g *
- ഇഞ്ചി - 1 വലിയ കഷ്ണം ( 30 g )
- വെളുത്തുള്ളി - 1 കുടം ( 25 g )
- മുളകുപൊടി - 3 ടേബിൾസ്പൂൺ ( 21 g )
- മല്ലിപ്പൊടി - 2 ടേബിൾസ്പൂൺ ( 14 g )
- മഞ്ഞൾപ്പൊടി - മുക്കാൽ ടീസ്പൂൺ
- തേങ്ങ ചിരകിയത് - 1 കപ്പ് ( 115 g )
- ചുവന്നുള്ളി - 6 - 7 ( 30 g )
- പച്ചമുളക് - 4 - 5
- കറിവേപ്പില
- ഉപ്പ്
- കടുക് 1 ടീസ്പൂൺ
- ഉലുവ - 1 / 4 ടീസ്പൂൺ
- വെളിച്ചെണ്ണ 5 ടേബിൾസ്പൂൺ + 2 ടീസ്പൂൺ
ഉണ്ടാക്കുന്ന വിധം
- മീൻ കഷണങ്ങൾ കഴുകിയെടുത്തു വയ്ക്കുക
- കുടംപുളി കഴുകി വെള്ളത്തിൽ കുതിരാനിടുക
- ഇഞ്ചി വെളുത്തുള്ളി ചതച്ചെടുത്തു വയ്ക്കുക
- തേങ്ങാ , ചുവന്നുള്ളി എന്നിവ വെള്ളം ചേർത്ത് നന്നായി അരച്ച് വയ്ക്കുക
- മീൻ ചട്ടിയിൽ 5 ടേബിൾസ്പൂൺ വെളിച്ചെണ്ണ ചൂടാക്കി കടുക് പൊട്ടിക്കുക
- ഉലുവ ചേർക്കുക
- ഇഞ്ചി ,വെളുത്തുള്ളി ,പച്ചമുളക്,വേപ്പില എന്നിവ ചേർത്ത് വഴറ്റുക
- ഒന്ന് രണ്ടു മിനിട്ടു കഴിഞ്ഞാൽ തീ കുറച്ചു വച്ച് മുളകുപൊടി ,മല്ലിപ്പൊടി ,മഞ്ഞൾപ്പൊടി എന്നിവ ചേർത്ത് മൂപ്പിക്കുക
- ഇനി അരച്ച തേങ്ങയുടെ പേസ്റ്റ് ചേർത്ത് എണ്ണ തെളിയും വരെ ഇളക്കുക
- ഇനി മീൻ മുങ്ങി വേകാൻ ആവശ്യമായ വെള്ളം ചേർക്കുക
- പുളിയും ആവശ്യത്തിന് ഉപ്പും ചേർക്കുക
- തിളച്ചു വരുമ്പോൾ മീൻ കഷണങ്ങൾ ചേർക്കുക
- പാകത്തിന് വെന്തു എണ്ണ തെളിഞ്ഞു വരുമ്പോൾ തീ ഓഫ് ചെയ്യുക
- മുകളിൽ 2 ടീസ്പൂൺ വെളിച്ചെണ്ണ ,കറിവേപ്പില ,ഒരു നുള്ളു ഉലുവപ്പൊടി എന്നിവ ചേർക്കുക
- രുചികരമായ മീൻകറി തയ്യാർ .
* വെള്ള വറ്റയാണ് ഇതിനായി ഉപയോഗിച്ചത്.
മത്തി ,അയല ,മറ്റു കഷണം മീനുകൾ എന്നിവ ഇങ്ങനെ വെക്കാൻ ഉപയോഗിക്കാം
* കുടംപുളി പുളിക്കനുസരിച്ചുപയോഗിക്കുക
