മലയാളികള്‍ക്ക് സുപരിചിതമായ സാമ്പാര്‍ ആണ് ഇന്നത്തെ വിഭവം.നല്ല മണവും രുചിയുമുള്ള സാമ്പാര്‍ ആരാണ് ഇഷ്ടപ്പെടാത്തത്?നല്ലൊരു സാമ്പാര്‍ എങ്ങനെ ഉണ്ടാക്കാമെന്ന് നോക്കാം.
ചേരുവകള്‍
- തുവരപ്പരിപ്പ് - 100g g
- കായം - 15g [ചില ബ്രാന്‍ഡ്‌ കായം ഇത്രയും ചേര്‍ക്കേണ്ടി വരില്ല]
- വാളന്‍പുളി - 15g
പച്ചക്കറികള്‍
- ചേന - ചെറിയ കഷണം[70g]
- ഉരുളക്കിഴങ്ങ് - ഒന്ന്[100g]
- കായ - ചെറിയ കഷണം[100g]
- ക്യാരറ്റ് - ഒരു ചെറുത്‌[77g]
- മുരിങ്ങക്ക - ഒന്ന് [54g]
- വെണ്ടയ്ക്ക - 5[60g]
- തക്കാളി - ഒന്ന്[100g]
- ചുവന്നുള്ളി - 100g
- പച്ചമുളക് - 1
- മല്ലിയില - ഒരു പിടി
പൊടികള്‍
- മുളക് പൊടി - 1 tbs[9g]
- മല്ലിപ്പൊടി - 1 tbs[9g][വീട്ടില്‍ പൊടിച്ച മല്ലിപ്പൊടി ചേര്‍ക്കുന്നതാണ് നല്ലത്]
- മഞ്ഞള്‍പ്പൊടി - 1tsp
- ഉലുവപ്പൊടി - 1/2 tsp
താളിക്കാന്‍
- കടുക് - 1tsp
- ചുവന്നുള്ളി - 5-6
- വറ്റല്‍മുളക് - മൂന്ന്
- കറിവേപ്പില - ഒരു തണ്ട്
തയ്യാറാക്കുന്ന വിധം
- പരിപ്പ് വൃത്തിയായി കഴുകി, കുക്കെറില്‍ ഇട്ട്കുറച്ചു മഞ്ഞള്‍പ്പൊടി,കായം,മൂന്ന് ചുവന്നുള്ളി,പച്ചമുളക് എന്നിവയും അര കപ്പ് വെള്ളവും ചേര്‍ത്തു നന്നായി വേവിക്കുക
- പുളി അര കപ്പു വെള്ളം ചേര്‍ത്ത് കുതിരാനായി വയ്ക്കുക
- പച്ചക്കറികള്‍ കഴുകി ചെറിയ കഷണങ്ങളായി മുറിച്ച് എടുക്കുക;
- ഒരു വലിയ പാത്രത്തില്‍ കുറച്ച് വെളിച്ചെണ്ണ ഒഴിച്ച് ചൂടാക്കി അരിഞ്ഞ കഷണങ്ങള്‍ [തക്കാളി,വെണ്ടയ്ക്ക ഇവ ഒഴികെ] ഇട്ട്മൂന്ന് മിനിറ്റ് വഴറ്റുക
- ഇതിലേക്ക് കുറച്ചു മഞ്ഞള്‍പ്പൊടിയും മുളകുപൊടിയും ചേര്‍ത്ത് മൂപ്പിക്കുക,പൊടികള്‍ കരിഞ്ഞു പോകരുത്.
- ഇനി വേവിച്ച പരിപ്പും മൂന്ന് കപ്പു ചൂടുവെള്ളവും ചേര്‍ത്ത് കഷണങ്ങള്‍ വെന്തു വരുന്ന വരെ മൂടി വച്ച് വേവിക്കുക
- കഷണങ്ങള്‍ വെന്ത ശേഷം തക്കാളി,പുളി പിഴിഞ്ഞത് എന്നിവ ചേര്‍ത്ത് ഒരു മിനിറ്റ് കൂടി മൂടി വച്ച് വേവിക്കുക.
- ഇനി മല്ലിപ്പൊടി ചേര്‍ത്ത് യോജിപ്പിക്കുക
- ഇതിലേക്ക് അരിഞ്ഞ മല്ലിയില ചേര്‍ക്കുക
- ഒരു നുള്ള് പഞ്ചസാരയും ചേര്‍ക്കുക
- സാമ്പാര്‍ ഇരിക്കും തോറും കുറുകി വരും;അത് കൊണ്ട് അതനുസരിച്ച് വെള്ളം ചേര്‍ക്കുക
- താളിച്ചു ചേര്‍ക്കാനായി ഒരു പാനില്‍ വെളിച്ചെണ്ണ ഒഴിച്ച് ചൂടാക്കുക;കടുക് ചേര്‍ത്ത് പൊട്ടിക്കുക;ചുവന്നുള്ളി, കറിവേപ്പില, വറ്റല്‍ മുളക്,വെണ്ടയ്ക്ക ഇവ ചേര്‍ത്ത് മൂപ്പിച്ചു തീ ഓഫ് ചെയ്യുക;ഇതിലേക്ക് ഉലുവപ്പൊടി ചേര്‍ക്കുക; കറിയില്‍ കായം കുറവുണ്ടെങ്കില്‍ ഇതിലേക്ക് കുറച്ചു പൊടിക്കായം കൂടി ചേര്‍ക്കാം.
- ഇത് സാമ്പാറില്‍ ചേര്‍ത്ത് യോജിപ്പിക്കുക
- കുറച്ചു നേരം മൂടി വച്ച ശേഷം വിളമ്പാം.
