ഇത് ഇഷ്ടപ്പെടാത്തവര് ആരുമുണ്ടാവില്ല..വളരെ കുറച്ചു ചേരുവകള് കൊണ്ട് എളുപ്പത്തില് ഉണ്ടാക്കാന് പറ്റുന്ന നല്ലൊരു energy bar ആണ്നമ്മുടെ കടല മിഠായി.
ആവശ്യമായ ചേരുവകള്
കപ്പലണ്ടി[നിലക്കടല] വറുത്തത് - ഒന്നര കപ്പ് [250 g]
ശര്ക്കര പൊടിച്ചത് - ഒരു കപ്പ് [185g]
എണ്ണ - 2tbs
വെള്ളം - കാല്കപ്പ്
ഉണ്ടാക്കുന്ന വിധം
കപ്പലണ്ടി തൊലി കളഞ്ഞെടുക്കുക
ശര്ക്കര വെള്ളം ചേര്ത്ത് ഉരുക്കി അരിച്ചെടുക്കുക
ഉരുക്കിയ ശര്ക്കരപ്പാനി വീണ്ടും ചൂടാക്കുക;തിളച്ചു തുടങ്ങുമ്പോള് എണ്ണ ചേര്ക്കാം;
ഇനി തീ കുറച്ചു വച്ച് വീണ്ടും ചൂടാക്കുക; 'soft crack stage' ആകുന്ന വരെ;[താഴെ ഉള്ള notes കാണുക]
കപ്പലണ്ടി ചേര്ത്ത് നന്നായി യോജിപ്പിക്കുക;
മയം പുരട്ടിയ പ്രതലത്തിലേക്ക് മാറ്റി ഒരേ കനത്തില് പരത്തുക
തണുക്കുന്നതിനു മുമ്പ് ചതുരക്കഷണങ്ങള് ആയി മുറിച്ചു വക്കുക;നന്നായി തണുത്ത ശേഷം ഓരോന്നായി വേര്പ്പെടുത്തിയെടുക്കാം.
notes
ശര്ക്കരപ്പാനിയുടെ പാകം നോക്കാനായി ഒരു ചെറിയ പാത്രത്തില് കുറച്ചു വെള്ളം എടുത്തു വക്കുക; ഇടക്ക് കുറച്ചു പാനി ഇതിലേക്ക് ഇറ്റിച്ചു നോക്കണം,പാകം അറിയാനായി.
ശര്ക്കരപ്പാനി തിളച്ച ശേഷം ഒരുനൂല്പ്പരുവം,രണ്ടുനൂല്പ്പരുവം,മൂന്നുനൂല്പ്പരുവം എന്നിങ്ങനെയുള്ള stages കടന്നു പോകും;അതിനു ശേഷം softball stage എത്തും;ഇപ്പോള് ഒരു തുള്ളി വെള്ളത്തില് ഒഴിച്ചാല് അത് ഉരുട്ടിയെടുക്കാന് പറ്റും,പക്ഷെ വളരെ സോഫ്റ്റ് ആയിരിക്കും..വീണ്ടും കുറച്ചു കഴിയുമ്പോള് hardball stage എത്തും; ഇപ്പോള് വെള്ളത്തില് ഒഴിച്ചാല് നല്ല കട്ടിയുണ്ടാകും,പക്ഷെ അതൊന്നു കടിച്ചു നോക്കിയാല് പല്ലില് ഒട്ടുന്നതായി കാണാം;ഇപ്പോള് കപ്പലണ്ടി ചേര്ത്താല് മിഠായി പല്ലില് ഒട്ടും.
hardball stage കഴിഞ്ഞു വീണ്ടും ചൂടാക്കണം;ഏകദേശം 45 സെക്കന്റിനുള്ളില് ശര്ക്കരപ്പാനി soft crack stage ആകും;ഈ സമയം വെള്ളത്തില്ഇറ്റിച്ചാല് അത് വേഗം കട്ടിയാകും;കടിച്ചു നോക്കിയാല് പല്ലില് ഒട്ടാതെ എളുപ്പം പൊടിയുന്നതായി കാണാം;ഇപ്പോഴാണ് കപ്പലണ്ടി ചേര്ക്കേണ്ട കൃത്യമായ പാകം.
ശര്ക്കരപ്പാനി തയ്യാറാക്കുന്ന സമയം ഇടയ്ക്കിടെ ഇളക്കണം.
ഇതൊരു ഫ്രഞ്ച് ഡിസേര്ട്ട് ആണ്.
വ്യത്യസ്തമായി എന്തെങ്കിലും ഉണ്ടാക്കണം എന്ന് ആഗ്രഹിക്കുന്നവര്ക്ക് ചെയ്തു നോക്കാന് പറ്റിയ ഒന്നാണിത്..ആദ്യം കണ്ടപ്പോള് തന്നെ ഇത് ഉണ്ടാക്കണം എന്ന് തോന്നി..ആദ്യത്തെ പരിശ്രമത്തില് തന്നെ നന്നായി കിട്ടി.ഒട്ടും ബുദ്ധിമുട്ടില്ല ഇതുണ്ടാക്കാന്.
ഇത് മൂന്ന് ഭാഗങ്ങളായി ആണ് ഉണ്ടാകുന്നത്
craquelin [മുകളിലെ പരുപരുത്ത ഭാഗം]
choux pastry [ഉള്ളിലെ ഷെല്]
custard cream[ഉള്ളില് നിറക്കാനുള്ള ക്രീം]
ആദ്യം craquelin ഉണ്ടാക്കാം
ആവശ്യമായ ചേരുവകള്:
ബട്ടര് -45g[3tbs]
മൈദാ -1/4 cup+2 tbs [50g]
പഞ്ചസാര -3tbs [50g]
ഉപ്പ്
ഉണ്ടാക്കുന്ന വിധം
ബട്ടര്, പഞ്ചസാര, ഉപ്പ് എന്നിവ നന്നായി യോജിപ്പിക്കുക
ഇതിലേക്ക് മൈദാ ചേര്ത്ത് സാവധാനം യോജിപ്പിക്കുക
ഇതൊരു ബട്ടര് പേപ്പറിലേക്ക് മാറ്റി കാല് സെന്റിമീറ്റര് കനത്തില് പരത്തുക
ഇനി ഇത് ഫ്രീസറില് വയ്ക്കാം ആവശ്യം വരുന്ന വരെ.
ഇനി choux pastry ഉണ്ടാക്കാം
ആവശ്യമായ ചേരുവകള്:
മൈദാ -1/2 cup[65g]
ബട്ടര് -1/4 cup[55g]
മുട്ട -3
ഉപ്പ് -1/4tsp
വെള്ളം - അര കപ്പ്
ഉണ്ടാക്കുന്ന വിധം
ഒരു സോസ്പാനില് വെള്ളം,ബട്ടര്,ഉപ്പ് എന്നിവ ചേര്ത്ത് തിളപ്പിക്കുക
ഇനി തീ ഏറ്റം കുറയ്ക്കുക
ഇതിലേക്ക് മൈദാ ചേര്ത്ത് നന്നായി ഇളക്കാം
ഇതൊരു രണ്ടു മിനുട്ട് കുറഞ്ഞ ചൂടില് ഇളക്കി കൊടുക്കണം
ഇത് സോഫ്റ്റ് ആയി പാത്രത്തില് നിന്നും വിട്ടു വരുന്ന പാകമാകുമ്പോള് തീ ഓഫ് ചെയ്യാം
ഇത് മറ്റൊരു പാത്രത്തിലേക്ക് മാറ്റി ചൂടാറാന് വക്കണം
രണ്ടു മൂന്ന് മിനിറ്റ് കഴിഞ്ഞാല് മുട്ട ചേര്ക്കാം
ഓരോ മുട്ടയായി ചേര്ക്കുക;ആദ്യം ചേര്ത്ത മുട്ട നന്നായി യോജിച്ച ശേഷം അടുത്ത മുട്ട ചേര്ക്കുക; മാവ് പാകത്തിന് ആയിട്ടില്ലെങ്കില് അടുത്ത മുട്ടയുടെ കുറച്ചു ഭാഗം കൂടി ചേര്ക്കുക.
മാവ് പാകമായോ എന്ന് അറിയാനായി കുറച്ചു മാവ് ഒരു തടിത്തവി കൊണ്ട് എടുക്കാം; ഇത് ഒന്ന് ചെരിച്ചു പിടിക്കുമ്പോള് മാവ് തനിയെ താഴേക്കു വീഴണം,ഒരു മൂന്നു second കഴിയുമ്പോള്; പക്ഷെ കൂടുതല് അയഞ്ഞ മാവ് ആവാനും പാടില്ല.
മാവ് തയ്യാറായാല് ഇതൊരു പൈപ്പിംഗ്ബാഗിലേക്കു മാറ്റുക
ഇനി ബേക്ക് ചെയ്യാനുള്ള ട്രെയില് ഒരു ബട്ടര്പേപ്പര് വയ്ക്കുക
അതിലേക്കു മാവ് പൈപ്പ് ചെയ്യാം, ഒന്നര ഇഞ്ച് വട്ടത്തില്; ഓരോന്നും തമ്മില് മൂന്ന് ഇഞ്ച് അകലം ഉണ്ടാവണം, കാരണം ബേക്ക് ചെയ്യുമ്പോള് ഇത് ഇരട്ടിയിലധികം വലിപ്പം വയ്ക്കും.
ഇനി ആദ്യം ഉണ്ടാക്കിയ craquelin പുറത്തെടുത്തു ഒന്നര ഇഞ്ച് വട്ടത്തില് മുറിക്കുക
ഇവ ഓരോന്നും ഓരോ pastry യുടെയും മുകളില് വച്ച് പതുക്കെ അമര്ത്തി വയ്ക്കുക
ഇനി ഇത് ബേക്ക് ചെയ്യാം
ഓവന് 230 ഡിഗ്രി സെല്ഷ്യസ് ചൂടാക്കുക;ട്രേ ഉള്ളില് വച്ച ശേഷം ചൂട് കുറച്ചു 180ഡിഗ്രിയില് 35-40മിനിറ്റ് ബേക്ക് ചെയ്യുക.
ഓവന് ഇല്ലാതെ അടുപ്പില് ചെയ്യാന് നല്ല ചുവടുകട്ടിയുള്ള പാത്രം പത്തു മിനിറ്റ് നല്ല ചൂടില് ചൂടാക്കുക; ട്രേ ഉള്ളില് വച്ച് ആദ്യത്തെ പത്തു മിനിറ്റ് കൂടിയ ചൂടിലും പിന്നെയുള്ള 25-30മിനിറ്റ് മിതമായ ചൂടിലും ബേക്ക് ചെയ്യുക
ശരിയായി ബേക്ക് ആയില്ലെങ്കില് ഓവനില് നിന്നും പുറത്തെടുത്തു കുറച്ചു കഴിയുമ്പോള് ഇത് ചുങ്ങിപ്പോകും.