എല്ലാവര്ക്കും ഇഷ്ടപ്പെട്ട ജിലേബി ഇനി വീട്ടില് ഉണ്ടാക്കിയാലോ? നല്ല എളുപ്പമാണ്.കളര് കിട്ടാന് ഞാനിതില് മഞ്ഞള്പ്പൊടി ആണ് ചേര്ത്തത്.
ആവശ്യമുള്ള ചേരുവകള്:
- ഉഴുന്ന് - 3/4 കപ്പ്
- പഞ്ചസാര -1 3/4കപ്പ്
- നാരങ്ങനീര് -1 ചെറിയ സ്പൂണ്
- ഏലക്ക -3-4 എണ്ണം
- മഞ്ഞള്പ്പൊടി -1 ചെറിയ സ്പൂണ്
ഉണ്ടാക്കുന്ന വിധം :
- ഉഴുന്ന്നന്നായി കഴുകി 4 മണിക്കൂര് കുതിര്ത്തെടുക്കുക
- ഇത് കുറച്ചു വെള്ളം ചേര്ത്ത് നന്നായി അരച്ച് എടുക്കുക;ഒരു നുള്ള് ഉപ്പും ചേര്ത്ത് വേണം അരക്കാന്.
- ഇതു ഒരു പരന്ന പാത്രത്തിലാക്കി അല്പം മഞ്ഞള്പ്പൊടി ചേര്ക്കുക
- ഇനി 5 മിനിറ്റ് നന്നായി അടിച്ചെടുക്കുക
- ഇതൊരു പൈപ്പിംഗ് ബാഗിലാക്കുക
- പഞ്ചസാര കുറച്ചു വെള്ളമൊഴിച്ച് ചൂടാക്കുക; നാരങ്ങ നീരും അല്പം മഞ്ഞള്പ്പൊടിയും ചേര്ക്കണം.
- അരനൂല് പരുവമാകുമ്പോള് തീ ഓഫ് ചെയ്യാം;ഇതിലേക്ക് ഏലക്കാപ്പൊടി ചേര്ത്തു ഇളക്കുക.
- ഇനി ഫ്രൈ ചെയ്യാന് ഒരു പരന്ന പാനില് കുറച്ചു എണ്ണയൊഴിച്ച് ചൂടാക്കുക..എണ്ണ ഒരു ഇഞ്ചിലും താഴെ മതി.
- എണ്ണ മിതമായ ചൂടാകുമ്പോള് മാവ് ജിലെബിയുടെ ആകൃതിയില് ചുറ്റിച്ചു വറുത്തു എടുക്കുക
- വറുത്ത ജിലേബി ചൂടോടെ പഞ്ചാര പാനിയില് മുക്കി വക്കുക;മൂന്നു മിനിറ്റ് മുക്കി വച്ച ശേഷം എടുക്കാം.
- നല്ല കരുകരുപ്പുള്ള ജ്യൂസി ആയ ജിലേബി തയ്യാര്.
No comments:
Post a Comment