വളരെ ആരോഗ്യപ്രദമായ ഒരു പ്രാതല് ആണ് ഇഡലി.ഇഡലി സോഫ്റ്റ് ആകാന് കുറച്ചു കാര്യങ്ങള് ശ്രദ്ധിക്കണം.
- ഇഡലി മയമുള്ളതാകാന് അരിയും ഉഴുന്നും ശരിയായ അനുപാതത്തില് ആവണം.
- വെള്ളത്തിന്റെ അളവ് കൃത്യമാകണം
- ഇഡലി അരി - ഒന്നര കപ്പ്
- ഉഴുന്ന് - അര കപ്പ്
- ഉലുവ - മുക്കാല് ടീസ്പൂന്
- അരി മൂന്ന് നാല് തവണ കഴുകി നാല് മണിക്കൂര് വെള്ളത്തില് കുതിര്ത്തു എടുക്കുക
- ഉഴുന്ന് ഒരു തവണ കഴുകി രണ്ടു മണിക്കൂര് കുതിര്ത്ത് എടുക്കുക;അതിനു ശേഷം അത് ഫ്രിഡ്ജില് വക്കുക;വെള്ളവും ഉഴുന്നും തണുത്തു കിട്ടാനാണ് ഇങ്ങനെ ചെയ്യുന്നത്.
- ഉലുവയും കുതിര്ത്തു എടുക്കുക;ഉലുവ ചേര്ക്കുമ്പോള് ഇഡലിയുടെ രുചി കൂടുമെന്ന് മാത്രമല്ല,fermentation ശരിയായി നടക്കാന് സഹായിക്കുകയും ചെയ്യും.
- നന്നായി കുതിര്ത്ത ശേഷം തണുപ്പിച്ച ഉഴുന്ന് ആവശ്യത്തിനു ഉപ്പും രണ്ടു ഐസ്ക്യൂബ്സും ചേര്ത്ത്, ഉഴുന്ന് കുതിര്ന്ന വെള്ളവും ചേര്ത്തു നന്നായി അരച്ച് എടുക്കുക; കാല് കപ്പ് വെള്ളം മതിയാകും.ഉഴുന്ന് നന്നായി അരഞ്ഞാല് മാത്രമേ ഇഡലി മയമുള്ളതാകൂ.നന്നായി അരഞ്ഞു പതഞ്ഞു വരുന്നത് വരെ സമയം എടുത്തു അരക്കുക; ഇത് അരക്കുന്നതു മിക്സിയുടെ ജാറില് ആണെങ്കില് ഉഴുന്ന് ചൂടാകാതിരിക്കാനാണ് തണുപ്പിച്ച് എടുക്കുന്നതും ഐസ് ക്യൂബ്സ് ചേര്ക്കുന്നതും. ഉഴുന്ന് അരക്കുമ്പോള് ചൂടായാല് ഇഡലി മയം ഇല്ലാത്തത് ആകും.
- അരച്ച് എടുത്ത ഉഴുന്ന് ഒരു വലിയ സ്റ്റീല് പാത്രത്തിലേക്ക് മാറ്റുക
- അരിയും ഉലുവയും ആവശ്യത്തിനു വെള്ളവും[ഉഴുന്ന് കുതിര്ത്തു എടുത്ത വെള്ളം] ഐസ് ക്യൂബ്സും ചേര്ത്തു അരക്കുക;ഏകദേശം മുക്കാല് കപ്പ് വെള്ളമാണ് ചേര്ത്തത്.അല്പം തരുതരുപ്പു ഉണ്ടെങ്കിലും ഇഡലിയുടെ മാര്ദവം കുറയില്ല.
- ഇത് അരച്ച ഉഴുന്നിനൊപ്പം ചേര്ത്ത് കൈ കൊണ്ട്നന്നായി യോജിപ്പിക്കുക;എത്ര നന്നായി ഇളക്കുന്നോ അത്രയും നല്ലത്.
- ഇനി ഇത് പുളിച്ചു വരാനായി മൂടി വയ്ക്കുക;ചെറുചൂടുള്ള അന്തരീക്ഷത്തില് ആണ് fermentation നന്നായി നടക്കൂ; പത്തു മുതല് പന്ത്രണ്ടു മണിക്കൂര് കൊണ്ട് മാവ് തയ്യാറായി കിട്ടും.
- അപ്പചെമ്പില് വെള്ളം തിളപ്പിക്കുക; ഇഡലി തട്ടില് എണ്ണ തടവി മാവ് ഒഴിച്ച് പത്തു മിനിറ്റ് വേവിക്കാം.
- ഇത് അപ്പചെമ്പില് നിന്നും മാറ്റി ഒന്ന് ചൂടാറിയ ശേഷം തട്ടില് നിന്നും മാറ്റാം.
- തേങ്ങാചമ്മന്തി,സാമ്പാര് ഇതിനൊപ്പം വിളമ്പാം
No comments:
Post a Comment