എല്ലാവരുടെയും പ്രിയപ്പെട്ട മധുരപലഹരമാണ് ലഡ്ഡു,കൊതിപ്പിക്കുന്ന നിറത്തിലും മണത്തിലും ബേക്കറിയില് കിട്ടുന്ന ഈ മധുരം വീട്ടില് ഉണ്ടാക്കാന് എളുപ്പമാണ്.
ആവശ്യമായ ചേരുവകള്
- കടലമാവ് - 2 കപ്പ്[250g] [അമര്ത്തി അളന്നെടുത്തത്]
- പഞ്ചസാര - 1 1/2കപ്പ്[340g]
- ഏലക്കാപ്പൊടി -1tsp
- ഉപ്പ് - ഒരു നുള്ള്
- ബേക്കിംഗ് സോഡാ - ഒരു നുള്ള്
- മഞ്ഞള്പ്പൊടി-1/2tsp
- നെയ്യ്- 2tsp
- അണ്ടിപ്പരിപ്പ് -1tbs
- ഉണക്കമുന്തിരി- 1tbs
ഉണ്ടാക്കുന്ന വിധം
ആദ്യം മാവ് തയ്യാറാക്കണം
- ഒരു പാത്രത്തിലേക്ക് കടലമാവ്,ഉപ്പ്,ബേക്കിംഗ് സോഡാ,മഞ്ഞള്പ്പൊടി എന്നിവ അരിച്ചു ചേര്ക്കുക
- ഇതിലേക്ക് വെള്ളം കുറേശെ ചേര്ത്ത് മാവ് തയ്യാറാക്കുക;തുടക്കത്തില്ത്തന്നെ അധികം വെള്ളം ചേര്ത്താല് കട്ട കെട്ടും;മാവിന് പാകത്തിന് കട്ടിയുണ്ടാവണം;കൃത്യമായ കട്ടിയാണോ എന്നറിയാന് ഒരു തുള്ളി മാവ് ചൂടായ എണ്ണയില് ഇറ്റിച്ചു നോക്കുക;ബൂന്ദി നല്ല ഷേപ്പില് ഉരുണ്ടു കിട്ടിയാല് കട്ടി പാകമാണ്; ബൂന്ദി പരന്നു പോയാല് മാവില് വെള്ളം കൂടുതലാണ്,അല്പം കൂടി കാലമാവു ചേര്ക്കുക;മറിച്ച് ബൂന്ദി നീണ്ടു ഒരു വാലു പോലെ വന്നാല് മാവിന് കട്ടി കൂടുതല് ആണ്,അല്പം കൂടി വെള്ളം ചേര്ക്കുക.
ഇനി ഇത് ഫ്രൈ ചെയ്തു എടുക്കാം
- ഒരു കുഴിവുള്ള ഫ്രയിംഗ്പാനില് ഏകദേശം അര ലിറ്റര് എണ്ണ ഒഴിച്ച് നന്നായി ചൂടാക്കുക;എണ്ണ നല്ല ചൂടില്ലെങ്കില് ബൂന്ദി എണ്ണ കുടിക്കും.
- തുളയുള്ള തവിയിലൂടെ മാവ്ചൂടായ എണ്ണയില് വീഴിക്കുക;തവി ചുറ്റിച്ചു കൊടുക്കണം,അല്ലെങ്കില് മാവ് ഒരേ സ്ഥലത്തു വീണു കട്ട കെട്ടും.
- എണ്ണയില് നിന്നും വേഗം തന്നെ കോരി മാറ്റണം,ഏകദേശം പതിനഞ്ചു സെക്കന്റ് മാത്രമേ ഇത് എണ്ണയില് കിടക്കാന് പാടുള്ളൂ,അല്ലെങ്കില് ബൂന്ദി കരുകരുപ്പ് ഉള്ളതാകും.
- അടുത്ത തവണ മാവ് ഒഴിക്കുന്നതിനു മുമ്പ് തവിക്ലീന് ചെയ്യണം,അല്ലെങ്കില് ബൂന്ദിക്ക് നല്ല ഷേപ്പ് കിട്ടില്ല.
- ഇങ്ങനെ ബൂന്ദി തയ്യാറാക്കി വയ്ക്കുക.
ഇനി പഞ്ചസാരപ്പാനി ഉണ്ടാക്കാം.ലഡ്ഡു നന്നാവാന് ശ്രദ്ധിക്കേണ്ട ഏറ്റവും പ്രധാനപ്പെട്ട കാര്യമാണ് പഞ്ചസാരപ്പാനിയുടെ പാകം.
- ഒരു ചുവടുകട്ടിയുള്ള പാത്രത്തില് പഞ്ചസാര എടുക്കുക
- ഇതിലേക്ക് പഞ്ചസാരയുടെ പകുതി അളവില് വെള്ളം ഒഴിക്കുക
- ഇത് നന്നായി അലിഞ്ഞു തിളച്ചു വരുന്ന വരെ ഇളക്കി കൊടുക്കുക
- പഞ്ചസാരപ്പാനിയുടെ പാകം നോക്കാനായി ഒരു പാത്രത്തില് കുറച്ചു വെള്ളം എടുത്തുവച്ചിരിക്കണം.ഇടയ്ക്കിടയ്ക്ക് വെള്ളത്തില് ഇറ്റിച്ചു നോക്കിക്കൊണ്ടിരിക്കണം.[please refer the video]
- ഒരുനൂല്പ്പരുവം,രണ്ടുനൂല്പ്പരുവം എന്നീ പാകം കഴിഞ്ഞ്,'gathering stage' ആകുന്ന സമയത്താണ് ഇതിലേക്ക് ബൂന്ദി ചേര്ക്കേണ്ടത്;ഈ പാകം എത്തുമ്പോള് വെള്ളത്തിലേക്ക് ഇറ്റിച്ചു കൊടുത്ത സിറപ്പ് അലിഞ്ഞു പോകാതെ വെള്ളത്തിന്റെ അടിയില് ഉറയുന്നതായി കാണാം.വിരല് കൊണ്ട് ഇത് കൂട്ടി വയ്ക്കാന് പറ്റും,പക്ഷെ ഉരുട്ടി എടുക്കാന് പറ്റില്ല;ശ്രദ്ധിക്കുക,ഇതില് കൂടുതല് നേരം ചൂടാക്കിയാല് ലഡ്ഡു ഉരുട്ടിയെടുക്കാന് പറ്റാത്ത പോലെയാകും.
- ഈ പാകമാകുമ്പോള് ഫ്രൈ ചെയ്ത ബൂന്ദി ചേര്ത്ത് നന്നായി ഇളക്കി യോജിപ്പിക്കുക.തീ ഓഫ് ചെയ്യുക;ഏലക്കാപ്പൊടി,നെയ്യ്,അണ്ടിപ്പരിപ്പ്,ഉണക്കമുന്തിരി ഇവ ചേര്ത്ത് യോജിപ്പിക്കുക
- അല്പം ചൂടാറിയാല് ലഡ്ഡു ആയി ഉരുട്ടിയെടുക്കുക.കൂടുതല് തണുത്താല് ഉരുട്ടിയെടുക്കാന് പറ്റാതാവും.
- മൂന്നോ നാലോ മണിക്കൂര് കഴിഞ്ഞാല് ലഡ്ഡു സ്വാദോടെ കഴിക്കാം;പിറ്റേന്നു എടുത്താല് ഇത് കൂടുതല് സ്വാദുള്ളതായി തീരും.
No comments:
Post a Comment