ലോകമെമ്പാടും കുട്ടികളും മുതിര്ന്നവരും ഒരേപോലെ കഴിക്കാന് ഇഷ്ടപ്പെടുന്ന ഒരു വിഭവമാണ് ഡോനട്സ്.നല്ല പഞ്ഞി പോലെ സോഫ്റ്റ് ആയ ഡോനട്സ്എങ്ങനെ ഉണ്ടാക്കാം എന്ന് നോക്കാം.
ചേരുവകള്:
- മൈദ - 2 കപ്പ് [287g]
- ഉപ്പ് - അര ടീസ്പൂണ്
- പഞ്ചസാര - 2 tbs[ 36g]
- ജാതിക്ക ചുരണ്ടിയത് - കാല് ടീസ്പൂണ്
- മുട്ട - 1 [55g]
- ഇളം ചൂടുപാല് - അര കപ്പ് [125g]
- ഇന്സ്റ്റന്റ് യീസ്റ്റ് - ഒരു ടീസ്പൂണ്
- സോഫ്റ്റ് ബട്ടര്/നെയ്യ് - 2 tbs [30g]
ഉണ്ടാക്കുന്ന വിധം
- മൈദയും ഉപ്പും ജാതിക്കയും യോജിപ്പിച്ച് വക്കുക
- പാലിലേക്കു യീസ്റ്റ് ചേര്ത്തു അലിയിക്കുക;പാലിന്റെ ചൂട് വളരെ കൂടിയാലും കുറഞ്ഞാലും യീസ്റ്റ് ശരിയായി പ്രവര്ത്തിക്കില്ല.
- ഇതിലേക്ക് പഞ്ചസാര,മുട്ട, ബട്ടര് എന്നിവ ചേര്ക്കുക
- ഈ കൂട്ടിലേക്ക് മൈദ ചേര്ത്തു യോജിപ്പിക്കുക
- ഇത് നല്ല സോഫ്റ്റ് ആയി വരുന്ന വരെ 8 മിനിറ്റ് കുഴക്കുക
- എന്നിട്ട് ഈ മാവ് പൊങ്ങി വരാനായി മയം പുരട്ടിയ ഒരു ബൗളില് ആക്കി മൂടി വക്കുക
- മാവ് ഇരട്ടി വലിപ്പം ആയാല് അത് ഒന്ന് കൂടി കുഴച്ചു എയര് പുറത്തു കളയണം; എന്നിട്ട് കുറച്ചു കനത്തില്[1/3inch] പരത്തി എടുക്കുക.
- ഇനി ഇത് ഒരു ഡോനറ്റ് കട്ടര്/കുക്കികട്ടര്/ഗ്ലാസ്സ് ഉപയോഗിച്ച് മുറിക്കുക[2.5-3 inch]ഞാന് ഗ്ലാസ്സ് ആണ് ഉപയോഗിച്ചത്;നടുവിലെ ദ്വാരം ഉണ്ടാക്കാന് കുപ്പിയുടെ അടപ്പ്/പൈപ്പിംഗ് നോസ്സില് ഉപയോഗിക്കാം[1/2 inch]
- ഇങ്ങനെ ഷേപ്പ് ചെയ്തത് കുറച്ചു കൂടി വലിപ്പം വയ്ക്കാനായി മാറ്റി വക്കുക[20 മിനിറ്റ്]
- ഇനി ഇത് ഫ്രൈ ചെയ്യാന് എണ്ണ ചൂടാക്കുക;മിതമായ ചൂടില് ഇവ വറുത്തു എടുക്കുക
ചേരുവകള്
- പൊടിച്ച പഞ്ചസാര - ഒരു കപ്പ്
- ഉരുക്കിയ ബട്ടര് - രണ്ടു വലിയ സ്പൂണ്
- വാനില എസ്സന്സ് - അര ടീസ്പൂണ്
- പാല് - ആവശ്യത്തിന്
ഉണ്ടാക്കുന്ന വിധം
- ഒരു ബൌളില് പഞ്ചസാര,ബട്ടര്,വാനില എന്നിവ ചേര്ത്ത് യോജിപ്പിക്കുക
- ഇതിലേക്ക് പാല് ചേര്ത്തു കട്ടി കുറയ്ക്കാം;ഞാന് കാല് കപ്പ് പാല് ആണ് ചേര്ത്തത്
- ഇതില് വറുത്ത ഡോനട്സ് ചെറുചൂടോടെ മുക്കിയെടുക്കുക;അര മണിക്കൂറിനുള്ളില് ഡ്രൈ ആയി കിട്ടും
No comments:
Post a Comment