മുട്ടയുടെ മണം ഒട്ടും ഇല്ലാതെ സോഫ്റ്റ്‌ കോഫി മാര്‍ബിള്‍ കേക്ക് Coffee Marble Cake Recipe

കോഫി മാര്‍ബിള്‍ കേക്ക്

 വാനിലയുടെയും കോഫിയുടെയും ടേസ്റ്റ് ഒരുമിച്ചു കിട്ടുന്ന ഒരു സോഫ്റ്റ്‌ കേക്ക്

ചേരുവകള്‍

• മൈദാ -1.5 കപ്പ്‌[185g]
• മുട്ട- 4
• പഞ്ചസാര -3/4കപ്പ്‌[180g]
• എണ്ണ - 1/4കപ്പ്‌
• ബേക്കിംഗ് പൌഡര്‍ - 1tsp
• വാനില എസ്സെന്‍സ് - 1/2tsp
• ഇന്‍സ്റ്റന്റ്കോഫി പൌഡര്‍ -3tsp
• പാല്‍ 
• ഇളം ചൂട് വെള്ളം - 3tsp
• ഉപ്പ് ഒരു നുള്ള്

 ഉണ്ടാക്കുന്ന വിധം

• 8 ഇഞ്ച്‌ വലിപ്പത്തിലുള്ള ഒരു ടിന്‍ മയം പുരട്ടി,ബട്ടര്‍പേപ്പര്‍ വച്ചിട്ട് പൊടി തട്ടി തയ്യാറാക്കി വയ്ക്കുക
• മൈദ,ഉപ്പ്ബെകിംഗ്പൌഡര്‍ എന്നിവ യോജിപ്പിച്ച് വയ്ക്കുക
• കോഫി പൌഡര്‍ വെള്ളത്തില്‍ അലിയിച്ചു വയ്ക്കുക
• മുട്ട,പഞ്ചസാര എന്നിവ നന്നായി അടിച്ചു പതപ്പിച്ച് എടുക്കുക
• ഇതിലേക്ക് oil,വാനില എന്നിവ ചേര്‍ക്കുക
• ഇതിലേക്ക് പൊടി ചേര്‍ക്കുന്നതിനു മുമ്പായി ഓവന്‍ ചൂടാക്കാന്‍ ഇടുക;otg-180ഡിഗ്രിയില്‍ ചൂടാക്കുക,അല്ലെങ്കില്‍ കുക്കര്‍/ചുവടുകട്ടിയുള്ള പാത്രം 10 മിനിറ്റ് ചൂടാക്കുക
• ഇനി മുട്ട മിശ്രിതത്തിലേക്ക് പൊടിയുടെ മിക്സ്‌ മൂന്നു തവണയായി അരിച്ചു ചേര്‍ക്കുക;മൂന്നാം തവണ പൊടി ചേര്‍ക്കുന്നതിനു മുമ്പ് ഒരു ടേബിള്‍സ്പൂണ്‍ പാല്‍ ചേര്‍ക്കണം
• പൊടി ചേര്‍ത്ത് സാവധാനം മിക്സ്‌ ചെയ്യണം
• ഇനി ഇതില്‍ നിന്നും പകുതി ബാറ്റര്‍ വേറൊരു പാത്രത്തിലേക്ക് എടുക്കുക
• ഇതിലേക്ക് കോഫി ചേര്‍ത്ത് മിക്സ്‌ ചെയ്യുക
• വാനില ബാറ്ററിലേക്ക് ഒരു ടേബിള്‍സ്പൂണ്‍ പാല്‍ ചേര്‍ത്ത് മിക്സ്‌ ചെയ്യുക
• ഇനി രണ്ടു ബാറ്ററും ഒന്നിടവിട്ട് ടിന്നിലേക്ക് ഒഴിക്കുക
• ഒന്ന് രണ്ടു തവണ തട്ടിയ ശേഷം ചൂടാക്കിയിട്ട ഓവന്‍/കുക്കര്‍ ഇല്‍ വച്ചു 30-35 മിനിറ്റ് ബേക്ക് ചെയ്യുക;ഓവന്‍ ചൂട് -180,കുക്കര്‍ ചൂട് മീഡിയം
• കേക്ക് നന്നായി തണുത്ത ശേഷം മുറിക്കാം