നല്ല സോഫ്റ്റ് ഉണ്ണിയപ്പം എങ്ങനെ ഉണ്ടാക്കാം
ആവശ്യമുള്ള ചേരുവകള്
- പച്ചരി - 1 കപ്പ് [250g]
- ശര്ക്കര - 250g
- പാളയന്കോടന് പഴം - 3 [150g]
- തേങ്ങാക്കൊത്ത് - 1 tbs
- ഏലക്ക - 4 എണ്ണം
- എള്ള് - അര ടീസ്പൂണ്
- പച്ചരി നന്നായി കഴുകി രണ്ടര മണിക്കൂര് കുതിര്ത്തു എടുക്കുക.ചെറിയ ഇനം പച്ചരിയാണ് ഉപയോഗിക്കേണ്ടത്.
- ശര്ക്കര കാല് കപ്പ് വെള്ളം ചേര്ത്തു ഉരുക്കി അരിച്ചെടുത്ത് വയ്ക്കുക
- തേങ്ങാക്കൊത്ത് അല്പം നെയ്യില് വറുത്തു വയ്ക്കുക
- കുതിര്ത്ത പച്ചരി വെള്ളം കളഞ്ഞ് ചൂടാറിയ ശര്ക്കരപ്പാനി ചേര്ത്ത് നന്നായി അരച്ച് എടുക്കുക.ഇതിന്റെ ഒപ്പം ഏലക്ക,ഒരു നുള്ള് ഉപ്പ് ഇവ കൂടി ചേര്ക്കുക.ശര്ക്കരപ്പാനി ചേര്ത്തു അരക്കുന്നത് കൊണ്ട് നേരിയ തരിയോടു കൂടിയേ അരഞ്ഞു കിട്ടൂ.അത് കുഴപ്പമില്ല,വലിയ തരി ആകാതിരിക്കാന് ശ്രദ്ധിക്കുക.
- ഇതിലേക്ക് പഴം കൂടി ചേര്ത്ത് അരക്കുക
- അരച്ചെടുത്ത ഈ മാവ് ഒരു പാത്രത്തിലേക്ക് മാറ്റുക
- വറുത്ത തെങ്ങാക്കൊത്ത് നെയ്യോടുകൂടി ചേര്ക്കുക.
- എള്ള് ചേര്ക്കുക
- മാവിന് കട്ടി കൂടുതല് ഉണ്ടെങ്കില് രണ്ടോ മൂന്നോ സ്പൂണ് വെള്ളം ചേര്ക്കണം.ഏകദേശം ഒരു കപ്പ് വെള്ളം[ശര്ക്കരപ്പാനി+ വെള്ളം] ആണ് വേണ്ടി വരുന്നത്.
- ഈ മാവ് അര മണിക്കൂര് മൂടി വക്കുക
- ഉണ്ണിയപ്പച്ചട്ടിയില് എണ്ണ/നെയ്യ് ഒഴിച്ച് ചൂടാകുമ്പോള് മാവ് ഒഴിച്ച് തിരിച്ചും മറിച്ചും ഇട്ടു ഇളം ബ്രൌണ് കളര് ആകുന്ന വരെ വറുത്തു കോരുക.
- ചൂടാറിയ ശേഷം വിളമ്പാം.
No comments:
Post a Comment