മസാലദോശ
ചേരുവകള് :
ദോശ ഉണ്ടാക്കാന്:-
- പച്ചരി - 2 കപ്പ് ( 420 g )
- ഉഴുന്ന് - അര കപ്പ് ( 110 g )
- കടലപ്പരിപ്പ് - 1 ടേബിള്സ്പൂണ്
- ഉലുവ - 1/2 ടീസ്പൂണ്
- അവല് - അര കപ്പ് ( 30 g )
- ഉപ്പ് - 1 ടീസ്പൂണ്
- വെള്ളം - 2 കപ്പ്
- ഉരുളക്കിഴങ്ങ് - 3 വലുത് ( 500 g )
- സവാള - 3 വലുത് - ( 400 g )
- ഇഞ്ചി - ഒരു കഷണം ( 15 g )
- വെളുത്തുള്ളി - ഒരു കുടം ( 20 g )
- പച്ചമുളക് - 4 - 5 ( എരിവ് അനുസരിച്ച് )
- കറിവേപ്പില
- മഞ്ഞള്പ്പൊടി - 1/2 ടീസ്പൂണ്
- ഉപ്പ്
- കടുക് - ഒരു ടീസ്പൂണ്
- ചെറിയ ജീരകം - 1/4 ടീസ്പൂണ്
- മല്ലിയില
ദോശമാവ് :-
- അരി, ഉഴുന്ന്,കടലപ്പരിപ്പ്, ഉലുവ എന്നിവ കഴുകി 2 മണിക്കൂര് കുതിര്ത്ത് എടുക്കുക; അവല് അര കപ്പ് വെള്ളത്തില് അരി അരക്കുന്നതിനു മുമ്പായി 5 മിനിറ്റ് കുതിര്ക്കുക
- ഉഴുന്ന് ആദ്യം മുക്കാല് കപ്പ് വെള്ളവും ഉപ്പും ചേര്ത്ത് നന്നായി പതഞ്ഞു വരുന്നവരെ അരക്കുക
- ഇനി അരി, കടലപ്പരിപ്പ്, ഉലുവ, അവല് എന്നിവ നന്നായി അരച്ച് ഉഴുന്നിന്റെ കൂടെ ചേര്ത്ത് യോജിപ്പിക്കുക; ആവശ്യമെങ്കില് കുറച്ചു കൂടി വെള്ളം ചേര്ത്ത് എല്ലാം ഒരു തവണ കൂടി അരച്ച് മൂടി വക്കുക
- മാവ് പാകത്തിന് പുളിച്ചു വന്നാല് ദോശ ചുടാം ( എനിക്ക് 8 മണിക്കൂര് ആണ് വേണ്ടി വന്നത് )
- ഉരുളക്കിഴങ്ങ് വേവിച്ചെടുക്കുക
- തൊലി കളഞ്ഞ് ഉടച്ചെടുക്കുക
- സവാള കനം കുറച്ച് അരിഞ്ഞെടുക്കുക
- ഇഞ്ചി, വെളുത്തുള്ളി എന്നിവ ചതച്ചെടുക്കുക
- ഒരു പാനില് 2 ടേബിള്സ്പൂണ് എണ്ണ ഒഴിച്ച് കടുക്പൊട്ടിക്കുക;ജീരകം, കടലപ്പരിപ്പ് എന്നിവ ചേര്ത്ത് മൂപ്പിക്കുക
- സവാള ചേര്ത്ത് നല്ല സോഫ്റ്റ് ആകുന്ന വരെ വഴറ്റുക
- ചതച്ച ഇഞ്ചി, വെളുത്തുള്ളി, പച്ചമുളക്, വേപ്പില എന്നിവ ചേര്ക്കുക; പച്ചമണം മാറുന്ന വരെ വഴറ്റുക
- മഞ്ഞള്പ്പൊടി ചേര്ക്കുക
- ഉരുളക്കിഴങ്ങ് ചേര്ക്കുക
- മുക്കാല് കപ്പ് വെള്ളം ചേര്ക്കുക; ആവശ്യത്തിനു ഉപ്പ് ചേര്ക്കുക
- എല്ലാം യോജിച്ചു വന്നാല് മല്ലിയില ചേര്ത്ത് തീ ഓഫ് ചെയ്യുക
- ദോശക്കല്ല് പാകത്തിന് ചൂടാകുമ്പോള് ദോശമാവ് ഒഴിച്ച് കനം കുറച്ചു പരത്തുക
- മാവിന്റെ ഈര്പ്പം മാറിയാല് നെയ്യ്/ബട്ടര്/ എണ്ണ ഇതില് ഏതെങ്കിലും മുകളില് പുരട്ടുക
- നന്നായി മൊരിഞ്ഞു വന്നാല് മസാല ഉള്ളില് വെച്ചു മടക്കിയെടുക്കുക
- ചൂടോടെ തേങ്ങചമ്മന്തി/ സാമ്പാര് ചേര്ത്ത് വിളമ്പുക
- ദോശയിലെ പ്രധാന ചേരുവകളായ അരി, ഉഴുന്ന് എന്നിവ നല്ലതായിരിക്കണം
- പാകത്തിന് ഫെര്മെന്റ് ആയ മാവ് ആണ് മൊരിഞ്ഞ ദോശ കിട്ടാന് വേണ്ടത്
No comments:
Post a Comment