ഒരു സ്പെഷ്യൽ മുട്ടക്കറി റെസിപ്പി | Mutta Curry Recipe

ചേരുവകൾ 

• പുഴുങ്ങിയ മുട്ട -5 
•  സവാള - 3 (300g )
• ഇഞ്ചി വെളുത്തുള്ളി പേസ്റ്റ് - 1 ടേബിൾസ്പൂൺ 
• പച്ചമുളക് - 2 
• കറിവേപ്പില 
• എരിവുള്ള മുളകുപൊടി - 1 ടീസ്പൂൺ 
• കാശ്മീരി മുളകുപൊടി - 1 ടേബിൾസ്പൂൺ 
• മല്ലിപ്പൊടി - 2 ടേബിൾസ്പൂൺ 
• മഞ്ഞൾപ്പൊടി - 1 / 2 ടീസ്പൂൺ 
• പെരുംജീരകം പൊടി - 1 ടീസ്പൂൺ 
• ഗരംമസാല - 1 ടീസ്പൂൺ 
• മല്ലിയില 
• കസൂരി മേത്തി 
• തക്കാളി - 2 മീഡിയം (150g )
• ടൊമാറ്റോ കെച്ചപ്പ് - 1 ടേബിൾസ്പൂൺ 

തയ്യാറാക്കുന്ന വിധം 

• ഒരു പാനിൽ കുറച്ചു എണ്ണ അല്ലെങ്കിൽ നെയ്യ് ഒഴിച്ച് അല്പം മഞ്ഞൾപ്പൊടി ,മുളകുപൊടി ,ഉപ്പ് എന്നിവ ചേർത്ത് പുഴുങ്ങിയ മുട്ട ഒരു മിനിറ്റു ഇളക്കി ചൂടാക്കിയെടുക്കുക 
• ഇതേ പാനി കുറച്ചു കൂടി എണ്ണ/ നെയ്യ് ഒഴിച്ച് സവാള നന്നായി വഴറ്റുക 
• ഇഞ്ചി വെളുത്തുള്ളി പേസ്റ്റ് ,വേപ്പില ,പച്ചമുളക് എന്നിവ ചേർത്ത് വഴറ്റുക 
• മഞ്ഞൾപ്പൊടി,മുളകുപൊടി ,മല്ലിപ്പൊടി ,പെരുംജീരകം പൊടി എന്നിവ ചേർത്ത് മൂപ്പിക്കുക 
• ഇനി  അരച്ച തക്കാളി, കെച്ചപ്പ്  എന്നിവ ചേർത്ത് നന്നായി വഴറ്റുക 
• ആവശ്യത്തിന് ഉപ്പു ചേർക്കുക 
• ഇനി 3 കപ്പു വെള്ളം ചേർത്തിളക്കി തിളപ്പിച്ച് കുറഞ്ഞ ചൂടിൽ മൂടി  വച്ച് 20 -25 മിനിട്ടു വേവിക്കുക;ഇടയ്ക്കു ഇളക്കി കൊടുക്കുക ;ആവശ്യമെങ്കിൽ കുറച്ചു കൂടി വെള്ളം ചേർത്ത് കൊടുക്കുക 
• ഇനി മല്ലിയില ,കസൂരിമേത്തി ,ഗരംമസാല എന്നിവ ചേർക്കുക 
• ഇനി മുട്ട ചേർത്തിളക്കി 2 - 3 മിനിട്ടു മൂടി വച്ച് വേവിക്കുക 
• രുചികരമായ മുട്ടക്കറി തയ്യാർ
• അപ്പം ,ചപ്പാത്തി ,നാൻ ,ബട്ടൂര ഇതിനൊക്കെ നല്ല കോമ്പിനേഷൻ ആണ്