ഒരു സ്പെഷ്യൽ മുട്ട ബിരിയാണി | Mutta Biriyani Recipe | Egg Dum Biryani Recipe in Malayalam

മുട്ട മസാല ചേരുവകൾ 

• പുഴുങ്ങിയ മുട്ട 7 
• സവാള 3 (300g )
• ഇഞ്ചി വെളുത്തുള്ളി പേസ്റ്റ് 1 tbs (20g )
• പച്ചമുളക് 2 (10g )
• മുളകുപൊടി 1 ടീസ്പൂൺ 
• ഗരം മസാല 1 ടീസ്പൂൺ 
• പെരുംജീരകം പൊടി 1 ടീസ്പൂൺ 
• മഞ്ഞൾപ്പൊടി 1 / 2 ടീസ്പൂൺ 
• തക്കാളി 2 (130g )
• തൈര് 2 tbs (30g )
• ഏലക്ക 4 ,ഗ്രാമ്പൂ 4 , കറുവപ്പട്ട 1 
• മല്ലിയില 
• പുതിനയില 
• അണ്ടിപ്പരിപ്പ് ഒരു പിടി (25g )

റൈസ് തയ്യാറാക്കാൻ 

• ബസ്മതി അരി 2 കപ്പ് (450g )
• ഏലക്ക 4 ,ഗ്രാമ്പൂ 4 ,കറുവപ്പട്ട 1 കഷണം , ജാതിപത്രി 1 ,പെരുംജീരകം 1/ 2 ടീസ്പൂൺ 
• ഇഞ്ചി വെളുത്തുള്ളി പേസ്റ്റ് 1 ടീസ്പൂൺ 
• സവാള 1 ചെറുത് (30g )
• പച്ചമുളക് 1 
• മല്ലിയില 
• പുതിനയില 
• വെള്ളം 3 1/ 2  കപ്പ് 
• ഉപ്പ് 

 മസാല ഉണ്ടാക്കാൻ 

• സവാള നീളത്തിൽ അരിഞ്ഞു പൊൻനിറമാകുന്ന വരെ വറുത്തു കോരുക 
• ഇതിൽ നിന്നും മുക്കാൽ ഭാഗം അണ്ടിപ്പരിപ്പ് , വെള്ളം എന്നിവയോടൊപ്പം അരച്ചെടുക്കുക 
• പാനിൽ 4 ടേബിൾസ്പൂൺ എണ്ണ  ചൂടാക്കി കുറച്ചു അണ്ടിപ്പരിപ്പ് ,ഉണക്കമുന്തിരി എന്നിവ  വറുത്തു മാറ്റി വയ്ക്കുക 
• ഇനി ഏലക്ക , ഗ്രാമ്പൂ , കറുവപ്പട്ട , എന്നിവ ചേർത്ത് മൂപ്പിക്കുക 
• ഇഞ്ചി വെളുത്തുള്ളി പേസ്റ്റ് , പച്ച മുളക് എന്നിവ ചേർത്ത് പച്ചമണം മാറുന്ന വരെ വഴറ്റുക 
• ഇനി തക്കാളി ചേർക്കുക വെന്തുടഞ്ഞു വരുമ്പോൾ തൈര് ചേർത്തിളക്കുക 
• ഇതിന്റെ എണ്ണ തെളിഞ്ഞു വരുമ്പോൾ മസാലപ്പൊടികൾ ചേർത്ത് മൂപ്പിക്കുക 
• അരച്ച പേസ്റ്റും ഒരു കപ്പ് വെള്ളവും ചേർത്ത് തിളപ്പിക്കുക 
• ആവശ്യത്തിന് ഉപ്പ് ചേർക്കുക 
• മല്ലിയില ,പുതിനയില എന്നിവ ചെക്കുക 
• മുട്ട ചേർത്ത് ഇളക്കുക (3 മുട്ട മുറിച്ചു ചേർക്കുന്നത് നല്ലതാണ് )
• ഗ്രേവി ഒന്ന് കട്ടിയായാൽ തീ ഓഫ് ചെയ്യാം 

 റൈസ് ഉണ്ടാക്കാൻ 

• അരി കഴുകി അര  മണിക്കൂർ കുതിർത്തു ഊറ്റി വയ്ക്കുക 
• പാത്രത്തിൽ 2 സ്പൂൺ നെയ്യ് ചൂടാക്കി പട്ട ,ഗ്രാമ്പൂ ,ഏലക്ക ,ജാതിപത്രി,പെരുംജീരകം  എന്നിവ ചേർത്ത് മൂപ്പിക്കുക 
• ഇഞ്ചി വെളുത്തുള്ളി പേസ്റ്റ് , സവാള , പച്ചമുളക് എന്നിവ ചേർത്ത് വഴറ്റുക 
• വെള്ളം  ചേർത്ത് തിള വരുമ്പോൾ ഉപ്പ് ,മല്ലിയില ,പുതിനയില , അരി എന്നിവ ചേർക്കുക 
• തിളപ്പിക്കുക ;വെള്ളവും അരിയും ഒരേ നിരപ്പിലാകുമ്പോൾ തീ കുറച്ചു മൂടി വച്ച് വെള്ളം മുഴുവൻ വറ്റുന്ന വരെ വേവിക്കുക 

 ദം ചെയ്യാൻ 

• റൈസ് പകുതി മാറ്റുക 
• ബാക്കിയുള്ള റൈസിന് മുകളിൽ ഗരംമസാല, വറുത്ത  സവാള ,അണ്ടിപ്പരിപ്പ്,ഉണക്കമുന്തിരി ,മല്ലിയില ,പുതിനയില എന്നിവ വിതറുക 
• മുട്ട മസാല നിരത്തുക 
• ഇനി മാറ്റി വെച്ച റൈസ് നിരത്തുക 
• മുകളിൽ ഗരം മസാല , വറുത്ത സവാള ,അണ്ടിപ്പരിപ്പ് ,ഉണക്കമുന്തിരി എന്നിവ വിതറുക 
• മൂടി വച്ച് കുറഞ്ഞ ചൂടിൽ 10 മിനിറ്റു ചൂടാക്കുക 
• തീ ഓഫ് ചെയ്‌തു അര  മണിക്കൂർ കഴിഞ്ഞാൽ വിളമ്പുക 
• ഒപ്പം സലാഡ് ,അച്ചാർ . പപ്പടം എന്നിവയുമാകാം .