ലഡു പെർഫെക്റ്റായി വളരെ എളുപ്പത്തിൽ വീട്ടിൽത്തന്നെ ഉണ്ടാക്കാം | Ladoo | Laddu Recipe in Malayalam

ചേരുവകൾ 

• കടലമാവ് 2 കപ്പ് (250g )
• പഞ്ചസാര 1 .5 കപ്പ് (340g )
• ബേക്കിംഗ് സോഡ 2 നുള്ള് 
• ഉപ്പ് 1 / 4 ടീസ്പൂൺ 
• മഞ്ഞൾപ്പൊടി 1 / 4 ടീസ്പൂൺ 
• ഏലക്കാപ്പൊടി 1 / 2 ടീസ്പൂൺ 
• വെള്ളം (മാവ് തയ്യാറാക്കാൻ ) 290 മില്ലി (1 കപ്പ് +2 ടേബിൾസ്പൂൺ +2 ടീസ്പൂൺ)
• വെള്ളം (പഞ്ചസാരപ്പാനി തയ്യാറാക്കാൻ ) 150 മില്ലി 

 തയ്യാറാക്കുന്ന വിധം 

• കടലമാവിൽ ഉപ്പ് , ബേക്കിംഗ് സോഡ , മഞ്ഞൾപ്പൊടി എന്നിവ ചേർത്തിളക്കുക 
• ഇതിൽ വെള്ളം ചേർത്ത് കട്ടയില്ലാത്ത മാവാക്കുക 
• ഇത് ചൂടായ എണ്ണയിൽ ബൂന്ദി  ഉണ്ടാക്കാനുള്ള തവിയിലൂടെ ഒഴിച്ച് ക്രിസ്പി ആക്കാതെ വറുത്തെടുക്കുക (15 - 20 സെക്കൻഡ് )
• പഞ്ചസാരയിൽ വെള്ളമൊഴിച്ചു 
• തിളപ്പിക്കുക ഏലക്കാപ്പൊടി ചേർക്കുക ഏകദേശം 4 മിനിട്ടു തിളപ്പിക്കുക 
• ബൂന്ദി ചേർത്തിളക്കി പാനി വറ്റുമ്പോൾ തീ ഓഫ് ചെയ്തു തണുക്കാനായി വയ്ക്കുക 
• തണുത്ത ശേഷം ലഡ്ഡു ഷേപ്പ് ചെയ്തെടുക്കുക 
• അല്പം ഉണക്കമുന്തിരി , അണ്ടിപ്പരിപ്പ് എന്നിവ നെയ്യിൽ വറുത്തു ചേർക്കാവുന്നതാണ് 
• 5 -6 മണിക്കൂർ റസ്റ്റ് അനുവദിക്കുക 
• രുചികരമായ ലഡ്ഡു ഇങ്ങനെ തയ്യാറാക്കാം 

* 1 കപ്പ് = 250 മില്ലി  

പ്ലം കേക്ക് ( ഫ്രൂട്ട് കേക്ക് ) വളരെ എളുപ്പത്തിൽ വീട്ടിൽത്തന്നെ ഉണ്ടാക്കാം | Plum Cake Recipe

ചേരുവകൾ 

 ഫ്രൂട്ട് മിക്സ് 

• ഗോൾഡൻ മുന്തിരി 100g (1 / 2 cup )
• കറുത്ത മുന്തിരി 100g (1  / 2 കപ്പ് )
• ചെറി 1 / 4 കപ്പ് (50g )
• ഈന്തപ്പഴം 7 (50g )
• ടൂട്ടി ഫ്രൂട്ടി 100g (1 / 2 കപ്പ് )
• ബട്ടർ 170g  (3 / 4 കപ്പ് +2 ടേബിൾസ്പൂൺ )
• പഞ്ചസാര 8 ടേബിൾസ്പൂൺ (130g )
• ഓറഞ്ച് തൊലി 2 ടേബിൾസ്പൂൺ 
• വാനില എസ്സെൻസ് 2 ടീസ്പൂൺ 
• ഓറഞ്ച് ജ്യൂസ് 180 മില്ലി (3 ഓറഞ്ച് പിഴിഞ്ഞത് )
• വെള്ളം 2 ടീസ്പൂൺ 
• കാരമേൽ സിറപ്പ് 

മറ്റു ചേരുവകൾ 

• മൈദാ 130g (ഒന്നര കപ്പ് )
• ബേക്കിംഗ് പൌഡർ (3g ) 3 / 4 ടീസ്പൂൺ
• ഉപ്പ് 1 g 
• കറുവപ്പട്ട പൊടിച്ചത് 1 ടീസ്പൂൺ 
• ഗ്രാമ്പൂ 8 എണ്ണം പൊടിച്ചത് 
• ചുക്കുപൊടി 1 ടീസ്പൂൺ 
• ജാതിക്ക പൊടിച്ചത് 1 / 4 ടീസ്പൂൺ
• മുട്ട 
• ബദാം 50g 
• അണ്ടിപ്പരിപ്പ് 30g 

 കാരമേൽ ഉണ്ടാക്കാൻ 

• പഞ്ചസാര 1 / 2 കപ്പ് (105g )
• വെള്ളം 2 ടീസ്പൂൺ 
• ചൂടുവള്ളം 1 / 4 കപ്പ് (60ml ) 

 തയ്യാറാക്കുന്ന വിധം 

• കാരമേൽ ഉണ്ടാക്കാൻ പഞ്ചസാരയിലേക്കു 2 ടീസ്പൂൺ വെള്ളം ചേർത്ത് ചൂടാക്കുക 
• ഉരുകി കാരമേൽ ആകുമ്പോൾ ചോടുവെള്ളം കുറേശെ ചേർക്കുക 
• ഇത് ഒന്നര മിനിട്ടു തിളപ്പിച്ച ശേഷം തീ ഓഫ് ചെയ്തു തണുക്കാൻ വയ്ക്കുക 
• ഫ്രൂട്ട് മിക്സ് ഉണ്ടാക്കാൻ മേൽപ്പറഞ്ഞ  എല്ലാ ചേരുവകളും ഒരുമിച്ചാക്കി 6 മിനിട്ടു തിളപ്പിച്ചു തണുക്കാൻ അനുവദിക്കുക 
• മുട്ട സ്പൂൺ ഉപയോഗിച്ച് ബീറ്റ് ചെയ്തു വയ്ക്കുക 
• മൈദയിലേക്കു ഉപ്പും ബേക്കിങ് പൗഡറും സ്‌പൈസസും ചേർത്ത് യോജിപ്പിക്കുക 
• തണുത്ത ഫ്രൂട്ട് മിക്സിലേക്കു മുട്ടചേർത്തിളക്കുക 
• പൊടി രണ്ടു തവണയായി ചേർത്ത് യോജിപ്പിക്കുക
•  പൊടി ചേർക്കുമ്പോൾ ബദാം ,അണ്ടിപ്പരിപ്പ് എന്നിവ കുറേശ്ശെ ആയി ചേർത്ത് യോജിപ്പിക്കുക 
• ഈ ബാറ്റർ , ബേക്കിംഗ് പേപ്പർ വച്ച 8 ഇഞ്ച് ഉള്ള ടിന്നിലാക്കി ഒരു മണിക്കൂർ 160 ഡിഗ്രി സെൽഷ്യസ് ചൂടിൽ ബേക്ക് ചെയ്യുക .പിന്നീട് ചൂട് 150 ഡിഗ്രി സെൽഷ്യസ് ആക്കി 30 മിനിട്ടു ബേക്ക് ചെയ്യുക 
• നന്നായി ബേക്ക് ആയ കേക്കിന്റെ നടുവിൽ ടൂത്ത്പിക്ക് കുത്തി നോക്കിയാൽ അത് ക്ലീൻ ആയി പുറത്തു വരും. (കേക്കിന്റെ ഉള്ളിലെ ചൂട് 95 ഡിഗ്രി സെൽഷ്യസ്)
• നന്നായി തണുത്ത ശേഷം ടിന്നിൽ നിന്നും പുറത്തെടുക്കുക
•  ഇരിക്കും തോറും ഈ കേക്കിന്റെ രുചിയും മണവും കൂടും 

 

വട്ടയപ്പം പെര്‍ഫെക്റ്റ്‌ ആകാന്‍ ഇങ്ങനെ ഉണ്ടാക്കൂ 100% ഗ്യാരണ്ടി | Soft Vattayappam Recipe

ചേരുവകൾ 

• പച്ചരി 1 കപ്പ് (230g )
• തേങ്ങ മുക്കാൽ കപ്പ് (75g )
• പഞ്ചസാര 8 ടേബിൾസ്പൂൺ (130g )
• ഉപ്പ് അര ടീസ്പൂൺ 
• യീസ്റ്റ് 1 ടീസ്പൂൺ 
• ഏലക്ക 4 എണ്ണം 

 ഉണ്ടാക്കുന്ന വിധം 

• പച്ചരി കുതിർത്തുഅല്പം വെള്ളം ചേർത്ത് (100 മില്ലി )നന്നായി അരക്കുക 
• ഇതിൽ നിന്നും ഒന്നര ടേബിൾസ്പൂൺ (30g ) മാവെടുത്തു അര കപ്പു വെള്ളം (130 മില്ലി )ചേർത്ത് കുറുക്കുക 
• കുറു ക്കിയത് തണുത്തു കഴിഞ്ഞാൽ പഞ്ചസാര , തേങ്ങാ , യീസ്റ്റ് ,ഉപ്പ് എന്നിവയോടൊപ്പം അരക്കുക 
• ആദ്യം അരച്ച അരിയിലേക്കു ചേർത്ത് യോജിപ്പിക്കുക 
• പൊങ്ങി വരാനായി മൂടി വക്കുക 
• പൊങ്ങി വന്ന മാവ് എണ്ണ തടവിയ പ്ലേറ്റിൽ ഒഴിച്ച് ആവിയിൽ പുഴുങ്ങിയെടുക്കുക 
• ചൂടറിയാൽ മുറിച്ചു വിളമ്പുക 

വീണ്ടും വീണ്ടും കഴിച്ചു പോകും കട്ലറ്റ് ഇത് പോലെ ഉണ്ടാക്കിയാൽ | Beef Cutlet Recipe in Malayalam

ചേരുവകൾ 

• ബീഫ് 1 kg 
• ഉരുളകിഴങ്ങ് 750g 
• സവാള 3 (220g )
• പച്ചമുളക് 6 (30g )
• ഇഞ്ചി ഒരു കഷ്ണം (20g )
• വെളുത്തുള്ളി 30 അല്ലി (30g )
• വേപ്പില 3 തണ്ട് 
• മുളകുപൊടി 1 ടേബിൾസ്പൂൺ 
• കുരുമുളകുപൊടി 2 .5 ടീസ്പൂൺ 
• ഗരംമസാല 2 ടീസ്പൂൺ 
• പെരുംജീരകം പൊടി 1 ടീ സ്പൂൺ 
• മഞ്ഞൾപ്പൊടി ഒന്നര ടീസ്പൂൺ 
• റെസ്ക് പൊടി 250g 
• ഉപ്പ് 3 ടീസ്പൂൺ 

ഉണ്ടാക്കുന്ന വിധം 

• ബീഫ് 2 ടീസ്പൂൺ ഉപ്പ് , മഞ്ഞൾപ്പൊടി , മുളകുപൊടി , ഒരു ടീസ്പൂൺ ഗരംമസാല ,5 അല്ലി വെളുത്തുള്ളി , ചെറിയകഷ ണം  ഇഞ്ചി അരിഞ്ഞത് എന്നിവ ചേർത്ത് വേവിച്ചു വെള്ളം വറ്റിച്ചെടുക്കുക
•  തണുത്ത ശേഷം പൊടിച്ചെടുക്കുക 
• ഉരുളക്കിഴങ്ങു പുഴുങ്ങി തൊലി കളഞ്ഞു പൊടിച്ചെടുക്കുക 
• പാനിൽ എണ്ണ ഒഴിച്ച് ചൂടാക്കി ഇഞ്ചി,വെളുത്തുള്ളി ,സവാള , പച്ചമുളക് എന്നിവ ചേർത്ത് നന്നായി വഴറ്റുക 
• അല്പം മഞ്ഞൾപ്പൊടി ചേർത്ത് മൂപ്പിക്കുക 
• പൊടിച്ച ബീഫ് ചേർത്ത് 10 മിനിട്ടു ഇളക്കി എടുക്കുക 
• ഇനി കുരുമുളകുപൊടി ,ഒരു ടീസ്പൂൺ ഗരംമസാല എന്നിവയും ചേർത്തിളക്കുക 
• തീ ഓഫ് ചെയ്ത ശേഷം ഉരുളക്കിഴങ്ങു ചേർക്കുക 
• ഒരു ടീസ്പൂൺ ഉപ്പു ചേർക്കുക 
• നന്നായി യോജിപ്പിച്ചിട്ടു തണുക്കാൻ മാറ്റി വയ്ക്കുക 
• തണുക്കുമ്പോൾ കുറേശ്ശെ എടുത്തു കട്ലറ്റ് ന്റെ രൂപത്തിലാക്കുക 
• ഓരോന്നും മുട്ടവെള്ളയിൽ മുക്കി റെസ്‌ക്‌പൊടിയിൽ പൊതിഞ്ഞെടുക്കുക 
• ചെറുതായി അമർത്തുക 
• ഇനി 15 മിനിട്ടു ഫ്രിഡ്ജിൽ വച്ച് തണുപ്പിക്കുക 
• ചൂടായ എണ്ണയിൽ വറുത്തു കോരുക 
• ചൂടോടെ സോസ് /സാലഡ് ചേർത്ത് വിളമ്പുക 

മടക്ക് പെർഫെക്റ്റായി വീട്ടിൽത്തന്നെ ഉണ്ടാക്കാം | Perfect Madakku Recipe

ചേരുവകൾ 

• മൈദ ഒന്നര കപ്പ് (200 g )
• ഉപ്പ് 1 / 2 tsp (3 g )
• വെള്ളം 100 മില്ലി (6 tbs + 2 tsp )
• യെല്ലോ ഫുഡ് കളർ ഏതാനും തുള്ളി (നിർബന്ധമല്ല )

 പാനി ഉണ്ടാക്കാൻ 

• പഞ്ചസാര അര കപ്പ് (100g )
• വെള്ളം കാൽ കപ്പ് 

 ഉണ്ടാക്കുന്ന വിധം 

• മൈദ , വെള്ളം , ഉപ്പ്  എന്നിവ ഒരുമിച്ചാക്കി യോജിപ്പിക്കുക 
• മൂടി വച്ച് അര മണിക്കൂർ റസ്റ്റ് അനുവദിക്കുക 
• 5 കഷണങ്ങളാക്കി മുറിച്ചു ബോൾ രൂപത്തിലാക്കുക 
• ഇനി ഓരോന്നും 6 ഇഞ്ചു വട്ടത്തിൽ പരത്തുക 
• ഓരോന്നിന്റെയും മുകളിൽ നെയ്യ് തടവി അല്പം അരിപ്പൊടി തൂകുക 
• ഓരോന്നും ഒന്നിന് മേലെ ഒന്നായി വച്ച ശേഷം ദീർഘചതുരാകൃതിയിൽ പരത്തുക 
• മുകളിൽ നെയ്യു തടവി അരിപ്പൊടി വിതറുക 
• നീളം കൂടുതലുള്ള വശത്തു നിന്നും മടക്കി ഉരുട്ടിയെടുക്കുക 
• ഇനി ഒരു ഇഞ്ച് ഉള്ള കഷണങ്ങളാക്കി മുറിക്കുക  
• ഒന്ന് പരത്തിയ ശേഷം ചൂടുള്ള എണ്ണയിൽ നല്ല കരുകരുപ്പാകുന്ന വരെ വറുത്തെടുക്കുക 
• പുറത്തെടുത്തു തണുക്കാൻ അനുവദിക്കുക 
• പഞ്ചസാരയിൽ വെള്ളം ചേർത്ത് ഒറ്റനൂൽ പരുവം ആകുന്ന വരെ തിളപ്പിക്കുക 
• തണുത്ത മടക്കു പഞ്ചസാര ലായനിയിൽ മുക്കിയെടുക്കുക 
• സ്വാദിഷ്ടമായ മടക്കു തയ്യാർ!

അരിപ്പൊടി ചേർത്ത് പഞ്ഞി പോലുള്ള സോഫ്റ്റ് ഇഡലി എങ്ങനെ ഉണ്ടാക്കാം

ചേരുവകൾ 

• അരിപ്പൊടി 1 .5 കപ്പ് (250g )
• ഉഴുന്ന് 1 / 2 കപ്പ് (120g )
• ഉലുവ 1 ടീസ്പൂൺ 
• ഉപ്പ്  1 ടീസ്പൂൺ 

 ഉണ്ടാക്കുന്ന വിധം 

• ഉഴുന്ന് , ഉലുവ എന്നിവ 2 മണിക്കൂർ കുതിർക്കുക 
• കുതിരാനുപയോഗിച്ച വെള്ളവും ഉപ്പും ഐസ് ക്യൂബും ചേർത്ത് ഉഴുന്ന് നന്നായി അരച്ചെടുക്കുക 
• ഇതിലേക്ക് അരിപ്പൊടി ചേർത്ത് യോജിപ്പിക്കുക 
• ആവശ്യത്തിന് വെള്ളം ചേർത്ത് അയഞ്ഞ പരുവത്തിൽ മാവ് തയ്യാറാക്കുക 
• പൊങ്ങി വരാനായി 10 - 12 മണിക്കൂർ മൂടി വയ്ക്കുക 
• എണ്ണ  പുരട്ടിയ  ഇഡലി തട്ടിൽ മാവൊഴിച്ചു 8 മിനിട്ടു വേവിക്കുക 
• സാമ്പാർ , ചമ്മന്തി എന്നിവക്കൊപ്പം വിളമ്പുക 

ക്രീം ബൺ ഇനി വീട്ടിൽത്തന്നെ ഉണ്ടാക്കാം | Cream Bun Recipe in Malayalam

ചേരുവകൾ 

• മൈദ  2 .5   കപ്പ് (325g )
• പാൽ അര കപ്പ് +2 ടേബിൾസ്പൂൺ (150 മില്ലി )
• പഞ്ചസാര 2 ടേബിൾസ്പൂൺ (30g )
• മുട്ട 1 (50g )
• യീസ്റ്റ് 1 ടീസ്പൂൺ (3g )
• നെയ്യ് 2 ടേബിൾസ്പൂൺ (30g )

 ഫില്ലിംഗ് 

• ബട്ടർ 75 g (5 ടേബിൾസ്പൂൺ )
• പഞ്ചസാര പൊടിച്ചത് 75 g (7 ടേബിൾസ്പൂൺ )
• ഏലക്കാപ്പൊടി 1/  2 ടീസ്പൂൺ 
• വാനില എസ്സെൻസ് 1 / 4 ടീസ്പൂൺ 

തയ്യാറാക്കുന്ന വിധം 

• മാവു തയ്യാറാക്കാനുള്ള എല്ലാ  ചേരുവകളും ഒരുമിച്ചാക്കി 15 മിനിട്ടു കുഴച്ച ശേഷം 10 മിനിട്ടു റസ്റ്റ് അനുവദിക്കുക 
• പിന്നീട് 10 കഷണങ്ങളാക്കി മുറിച്ചു ബോൾ രൂപത്തിലാക്കുക 
• പിന്നെ ഓരോന്നും പരത്തി  ചുരുട്ടിയെടുത്തു അരികു നന്നായി യോജിപ്പിക്കുക 
• ഇത് ബേക്കിംഗ് ട്രേയിൽ  നിരത്തി 75 മിനിട്ടു മൂടി വയ്ക്കുക 
• പിന്നീട് ചൂടാക്കിയിട്ട ഓവനിൽ 190 ഡിഗ്രി സെൽഷ്യസ് ചൂടിൽ 18  -20 മിനിട്ടു ബേക്ക് ചെയ്യുക 
• പുറത്തെടുത്തു തണുക്കാൻ അനുവദിക്കുക 
• ഫില്ലിങ്ങിനുള്ള എല്ലാ ചേരുവകളും ചേർത്ത് ബീറ്റ് ചെയ്തു ക്രീം ആക്കിയെടുക്കുക ; അതിനു ശേഷം പൈപ്പിങ് ബാഗിൽ നിറക്കുക .
• തണുത്ത ബ്രെഡ് മുറിച്ചു ഫില്ലിംഗ് ആവശ്യത്തിന് നിറച്ചു സെർവ് ചെയ്യാം