ആർക്കും ഉണ്ടാക്കാം ഈ അടിപൊളി ഫ്രൂട്ട് ബ്രെഡ് | Fruit Bread Recipe

ഫ്രൂട്ട് ബ്രെഡ് 

 ചേരുവകൾ 

•  മൈദാ  - 2 1/ 2  കപ്പ് (350 g )
• പാൽ - 220 മില്ലി 
•  യീസ്റ്റ് - 1 ടീസ്പൂൺ 
•  പഞ്ചസാര - 3 ടേബിൾസ്പൂൺ ( 45 g )
•  ബട്ടർ - 3  ടേബിൾസ്പൂൺ ( 45  g )
•  ഉപ്പ് - 1 ടീസ്പൂൺ 

 ഫ്രൂട്സ് മിക്സിന് 

•  കറുത്ത ഉണക്കമുന്തിരി - 1/ 2  കപ്പ് (60 g )
•  ഗോൾഡൻ ഉണക്കമുന്തിരി - 1 / 4  കപ്പ് (25 g )
•  ടൂട്ടി ഫ്രൂട്ടി - 1 / 4 കപ്പ് (30 g )
•  ചെറി - 1 / 2  കപ്പ് ( 60 g )
•  ഏലക്കാപ്പൊടി - 1 ടീസ്പൂൺ 
•  കറുവപ്പട്ടപ്പൊടി - 1 / 2 ടീസ്പൂൺ 
• ജാതിക്ക - 1 / 4 ടീസ്പൂൺ 
•  പൈനാപ്പിൾ എസ്സൻസ് - 1 / 4 ടീസ്പൂൺ 
•  വാനില എസ്സൻസ് - 1 ടീസ്പൂൺ 
•  ഓറഞ്ച് തൊലി ചുരണ്ടിയത് - 1 ടേബിൾസ്പൂൺ 

ഉണ്ടാക്കുന്ന വിധം 

• മൈദാ ,പാൽ ,യീസ്റ്റ് ,പഞ്ചസാര ,ബട്ടർ ,ഉപ്പ് എന്നിവ ഒന്നിച്ചാക്കി 6 - 7  മിനിറ്റ്നന്നായി കുഴച്ചു മാവ് തയ്യാറാക്കുക 
• കുഴച്ചെടുത്ത മാവ് എണ്ണ  തടവിയ ഒരു പാത്രത്തിലാക്കി പൊങ്ങി വരാനായി മാറ്റി വക്കുക 
• മറ്റൊരു ബൗളിൽ എടുത്തിട്ടുള്ള  ഫ്രൂട്സ് മിക്സിനുള്ള എല്ലാ ചേരുവകളും ചേർത്ത് യോജിപ്പിക്കുക 
• മാവ് പൊങ്ങി വന്നാൽ പതിയെ അമർത്തി അതിലെ എയർ പുറത്തു കളയുക 
• ഫ്രൂട്സ് മിക്സ് രണ്ടു മൂന്നു തവണയായി ചേർത്ത് യോജിപ്പിക്കുക 
• ഇനി ലോഫ് ഷേപ്പിലാക്കി എണ്ണ തടവിയ ടിന്നിലാക്കി വീണ്ടും പൊങ്ങി വരാനായി വക്കുക 
• ടിന്നിന്റെ 80 % ആയാൽ ബേക്ക് ചെയ്യാം ;അതിനു മുമ്പായി പുറമെ മുട്ട/പാൽ പുരട്ടുക .
• ചൂടാക്കിയിട്ട അവനിൽ  190 ഡിഗ്രി സെൽഷ്യസിൽ 40  - 45 മിനിറ്റ് ബേക്ക് ചെയ്യുക 
• പുറത്തെടുത്തു അല്പം ബട്ടർ പുരട്ടുക .
• നന്നായി തണുത്ത ശേഷം മുറിക്കാം .

എന്താ രുചി ! ബീഫിന് ഇതിലും നല്ല കോമ്പിനേഷൻ വേറെ ഇല്ല

ബീഫും കായും 

 ചേരുവകൾ 

• ബീഫ് * - 1 കിലോ 
• നേന്ത്രക്കായ - 1 കിലോ 
• മുളകുപൊടി - 3 ടേബിൾസ്പൂൺ 
• മല്ലിപ്പൊടി - 4 ടേബിൾസ്പൂൺ 
• മഞ്ഞൾപ്പൊടി 
• കുരുമുളകുപൊടി - 1 / 2 ടീസ്പൂൺ 
• ഗരം മസാല - 4 ടീസ്പൂൺ 
• ഇഞ്ചി -3 വലിയ കഷ്ണം ( 50  g )
• വെളുത്തുള്ളി - 3 കുടം ( 70  g )
• വേപ്പില 
• ചുവന്നുള്ളി - 50 എണ്ണം 
• പച്ചമുളക് 

 ഉണ്ടാക്കുന്ന വിധം 

• ബീഫ് 1 ടേബിൾസ്പൂൺ ,മഞ്ഞൾപ്പൊടി ,ഇഞ്ചി വെളുത്തുള്ളി ചതച്ചത്  പകുതി ഭാഗം,വേപ്പില ,3 -4 പച്ചമുളക് ,ഉപ്പ് എന്നിവ കൂട്ടി തിരുമ്മി വേവിക്കുക 
• മുക്കാൽ വേവ് ആകുമ്പോൾ കുറച്ചു കട്ടിയിൽ അരിഞ്ഞെടുത്ത നേന്ത്രക്കായ ചേർത്ത് ,കുറച്ചു മഞ്ഞൾപ്പൊടിയും ഉപ്പും ചെത്ത് പാകത്തിന് വെന്തു വരുന്ന വരെ വേവിക്കുക 
• ചീനച്ചട്ടിയിൽ 4 ടേബിൾസ്പൂൺ വെളിച്ചെണ്ണ ചൂടാക്കി ,അരിഞ്ഞ ചുവന്നുള്ളി ചേർത്ത് വഴറ്റുക 
• നന്നായി വഴന്നു വന്നാൽ ചതച്ച ഇഞ്ചി - വെളുത്തുള്ളി ,പച്ചമുളക് ,വേപ്പില എന്നിവ ചേർത്ത് നന്നായി വഴറ്റുക 
• ഇനി മല്ലിപ്പൊടി ,2 ടേബിൾസ്പൂൺ മുളകുപൊടി ,മഞ്ഞൾപ്പൊടി ,കുരുമുളക് പൊടി എന്നിവ ചേർത്ത് മൂപ്പിക്കുക 
• വേവിച്ച ബീഫും കായും ചേർക്കുക 
• ആവശ്യമെങ്കിൽ അല്പം വെള്ളം ചേർത്ത് ഗ്രേവി പാകമാക്കുക 
• ഗരം മസാലയും ചേർത്തിളക്കി വാങ്ങുക 
• ചൂടോടെ വിളമ്പുക 

 * നല്ല നെയ്യുള്ള പോത്തിറച്ചിയാണ് ഇതുണ്ടാക്കാൻ നല്ലത് .

ഉപ്പുമാവ് ഇത്ര രുചിയോടെ ഉണ്ടാക്കിയിട്ടുണ്ടോ! Uppumavu Recipe in Malayalam

ഉപ്പുമാവ് 

 ചേരുവകൾ 

• റവ - 1 കപ്പ് 
• കാരറ്റ്  - 1 (70 g )
• സവാള  - 1  (70 g )
• ഇഞ്ചി - 1 ചെറിയ കഷണം 
• തേ ങ്ങ - 1 / 2  കപ്പ് 
• പാൽപ്പൊടി - 1 .5 ടേബിൾസ്പൂൺ 
• വറ്റൽമുളക് 
• കറിവേപ്പില 
• കടുക് 
• വെള്ളം - ഒന്നര കപ്പ് 

തയ്യാറാക്കുന്ന വിധം 

• കാരറ്റ് ,സവാള ,ഇഞ്ചി എന്നിവ പൊടിയായി അരിഞ്ഞെടുക്കുക 
• റവ വറുത്തു മാറ്റി വക്കുക 
• ഒരു ടേബിൾസ്പൂൺ എണ്ണ ,ഒരു ടേബിൾസ്പൂൺ നെയ്യ് എന്നിവ ചൂടാക്കി കടുക് പൊട്ടിക്കുക 
• വറ്റൽമുളക് ,കറിവേപ്പില എന്നിവ ചേർക്കുക 
• ഇനി അരിഞ്ഞു  വച്ച പച്ചക്കറികൾ ചേർത്ത് വഴറ്റുക 
• ഇനി തേങ്ങാ ചേർത്തിളക്കുക 
• ഇതിലേക്ക് വെള്ളം ചേർത്ത് ത്തിളപ്പിക്കുക 
• തിളച്ചു വരുമ്പോൾ ആവശ്യത്തിന് ഉപ്പ് ,പാൽപ്പൊടി എന്നിവ ചേർക്കുക 
• ഇനി റവ  ചേർത്ത് ഇളക്കുക 
• മൂടി വച്ച് ഒരു മിനിറ്റു കുറഞ്ഞ തീയിൽ വേവിക്കുക 
• തീ ഓഫ് ചെയ്തു പത്തു മിനിട്ടു കഴിഞ്ഞാൽ തുറന്ന് ഇളക്കുക 
• രുചികരമായ ഉപ്പുമാവ് തയ്യാർ 

ഒട്ടും കയ്പ്പില്ലാതെ അസാധ്യ രുചിയിൽ പാവയ്ക്കാ മെഴുക്കുപുരട്ടി | Pavakka Mezhukkupuratti Recipe

പാവയ്ക്കാ മെഴുക്കുപുരട്ടി 

 ചേരുവകൾ 

• പാവയ്ക്കാ - 1 (150 g )
• ക്യാരറ്റ്  -2 ചെറുത്  (150 g )
• സവാള -1 (100 g )
• ഇഞ്ചി - 1 ചെറിയ കഷ്ണം 
• പച്ചമുളക് എരിവ് അനുസരിച്ചു 
• ചില്ലി ഫ്ലേക്സ് - 1 / 2 ടീസ്പൂൺ 
• മഞ്ഞൾപ്പൊടി 
• കറിവേപ്പില 
• ചെറുനാരങ്ങാ നീര് - 2 ടീസ്പൂൺ 

തയ്യാറാക്കുന്ന വിധം 

• എല്ലാ പച്ചക്കറികളും കനം  കുറച്ചു നീളത്തിൽ അരിഞ്ഞെടുക്കുക 
• ഒരു പാനിൽ 2 ടേബിൾസ്പൂൺ വെളിച്ചെണ്ണ ചൂടാക്കി സവാള ,ഇഞ്ചി ,വേപ്പില ,പച്ചമുളക് എന്നിവ വഴറ്റുക 
• ഇതിലേക്ക് അരിഞ്ഞ പാവയ്ക്കാ ,ക്യാരറ്റ് ,മഞ്ഞൾപ്പൊടി ,ചില്ലി ഫ്ലേക്സ് ,ഉപ്പു എന്നിവ ചേർത്തിളക്കി മൂടി വച്ച് വേവിക്കുക 
• വെന്തു വന്നാൽ നാരങ്ങാ നീര് ചേർത്ത് യോജിപ്പിക്കുക 
• രുചികരമായ മെഴുക്കുപുരട്ടി തയ്യാർ 

ചായക്കടയിലെ സുഖിയൻ വീട്ടിൽത്തന്നെ ഉണ്ടാക്കാം | Sukhiyan Kerala Style Recipe

സുഖിയൻ 

 ചേരുവകൾ :

• ചെറുപയർ  - 150 g 
• ശർക്കര - 150 g 
• തേങ്ങാ - മുക്കാൽ കപ്പ്
• ഏലക്കാപ്പൊടി - 1/ 2 ടീസ്പൂൺ  
• മൈദ - 100 g 
• ബേക്കിങ് പൌഡർ - 1/ 2  ടീസ്പൂൺ 
• ഉപ്പ് 
• ചെറിയ ജീരകം - 2 നുള്ള് 
• മഞ്ഞൾപ്പൊടി - 1/ 2 ടീസ്പൂൺ 

ഉണ്ടാക്കുന്ന  വിധം 

• ചെറുപയർ കഴുകി അധികം കുഴഞ്ഞു പോകാതെ വേവിച്ചെടുക്കുക 
• ശർക്കര ഉരുക്കിയെടുത്തു അരിച്ചു വക്കുക 
• ഒരു പാനിൽ ശർക്കര ,തേങ്ങ ,ചെറുപയർ എന്നിവ ചേർത്ത്  വെള്ളം വറ്റി വരുന്ന വരെ ഇളക്കുക 
• ഏലക്കാപ്പൊടി ചേർത്ത ശേഷം തീ ഓഫ് ചെയ്യുക 
• തണുത്തു വരുമ്പോൾ ചെറുനാരങ്ങാ വലിപ്പത്തിലുള്ള ഉരുളകളാക്കുക 
• വേറൊരു പാത്രത്തിൽ മൈദാ ,ബേക്കിങ് പൌഡർ ,ഉപ്പ് ,ജീരകം ,മഞ്ഞൾപ്പൊടി എന്നിവ ചേർത്ത് യോജിപ്പിക്കുക 
• വെള്ളം ചേർത്ത് അധികം ലൂസ് അല്ലാത്ത  മാവ് തയ്യാറാക്കുക 
• ഓരോ ഉരുളയും ഈ മാവിൽ മുക്കി ചൂടായ എണ്ണയിൽ വറുത്തു കോരുക 
• ചായക്കൊപ്പം കഴിക്കാം 

തേങ്ങ ചേർക്കാതെ നല്ല രുചിയിൽ സോഫ്റ്റ് അപ്പം എങ്ങനെ ഉണ്ടാക്കാം | Soft Appam Recipe Without Coconut

അപ്പം 

 ചേരുവകൾ 

• പച്ചരി  - 1 കപ്പ്  ( 210 g )
• വെള്ള അവൽ - 1 കപ്പ്  ( 40 g )
• പഞ്ചസാര  - ഒന്നര  ടേബിൾസ്പൂൺ ( 22 g )
• യീസ്റ്റ് - അര ടീസ്പൂൺ 
• ഉപ്പ് - 1 / 2  ടീസ്പൂൺ 

ഉണ്ടാക്കുന്ന വിധം 

• പച്ചരി നന്നായി കഴുകി രണ്ടു മണിക്കൂർ കുതിർത്തെടുക്കുക 
• പാകത്തിന് വെള്ളം ചേർത്ത്  എല്ലാ ചേരുവകളും കൂടി അരച്ച് യോജിപ്പിക്കുക 
• നന്നായി പതഞ്ഞു പൊങ്ങുന്ന വരെ ഏകദേശം 3 മണിക്കൂർ മൂടി വക്കുക 
• ഓരോ തവി വീതം ചൂടായ തവയിൽ കോരിയൊഴിച്ചു ചുട്ടെടുക്കുക 
• കറിക്കൊപ്പം വിളമ്പുക 

 

മിൽക്ക് മൈസൂർ പാക്ക് പെർഫക്റ്റായി വീട്ടിൽത്തന്നെ ഉണ്ടാക്കാം | Milk Mysore Pak Recipe in Malayalam

മിൽക്ക് മൈസൂർ പാക് 

 ചേരുവകൾ 

• പാൽപ്പൊടി - 100 g (10 ടേബിൾസ്പൂൺ 
• പഞ്ചസാര - 300  g  ( 1  1 / 2  കപ്പ്  )
• നെയ്യ് - 150 g  ( 1/ 2  കപ്പ്  + 2 ടേബിൾസ്പൂൺ )
• എണ്ണ - 150 g  ( 1/ 2  കപ്പ്  + 2 ടേബിൾസ്പൂൺ )
• മൈദാ  - 2  ടേബിൾസ്പൂൺ 

 ഉണ്ടാക്കുന്ന  വിധം 

• നെയ്യും എണ്ണയും  യോജിപ്പിക്കുക 
• പാൽപ്പൊടിയിലേക്കു മൈദാ ചേർത്ത് യോജിപ്പിക്കുക 
• ഇതിലേക്ക്  മുക്കാൽ ഭാഗം നെയ്യ് -എണ്ണ  മിശ്രിതം ചേർത്ത്  ഒരു പേസ്റ്റ്  പോലെ ആക്കുക  1 / 4
• പഞ്ചാരയിലേക്കു മുക്കാൽ കപ്പ് വെള്ളം ചേർത്ത് ഒറ്റനൂല്പരുവം ആകു വരെ തിളപ്പിക്കുക 
• ഇനി പാൽപ്പൊടി മിശ്രിതം ചേർത്ത് തുടരെ ഇളക്കുക 
• അടുപ്പിൻ്റെ ചൂട് പാകമായിരിക്കണം 
• ഇതിൽ തിള പൊട്ടി തുടങ്ങുമ്പോൾ  ബാക്കിയുള്ള നെയ്യ്-എണ്ണയുടെ  1 / 4 ഭാഗം ചേർക്കുക 
• ഇത് നന്നായി യോജിച്ചാൽ ബാക്കിയുള്ള   1 / 4 ചേർക്കുക 
• നന്നായി ഇളക്കി യോജിച്ചു കഴിഞ്ഞാൽ ബാക്കിയുള്ള  1 / 4 ഭാഗം ചേർക്കുക 
• ഇനി ബാക്കിയുള്ള നെയ്യ് ചേർക്കുന്നതിന് മുമ്പ് മിശ്രിതം ഒരു ലൈറ്റ് ബ്രൗൺ നിറമാകുന്ന വരെ ഇളക്കുക ( ഏകദേശം 5 മിനിറ്റ് )
• ഈ നിറമായാൽ തീ ഓഫ് ചെയ്തു ബാക്കിയുള്ള നെയ്യ് ചേർക്കുക 
• മിക്സ് അലപം കൂടി കട്ടിയാകുന്ന വരെ ഇളക്കുക ( ഏകദേശം ഒന്നര മിനിറ്റ് )
• ഇനി ബേക്കിംഗ് പേപ്പർ വിരിച്ചിട്ടുള്ള ടിന്നിലേക്കു മാറ്റി തണുക്കാൻ അനുവദിക്കുക 
• തണുത്താൽ മുറിച്ചു വിളമ്പുക